રિલાયન્સ જિયો, એરટેલ અને વોડાફોન જેવી ટેલિકોમ કંપનીઓ ગ્રાહકોની સુવિધા માટે સસ્તા પ્લાન લોન્ચ કરતી રહે છે. ચાલો જાણીએ જિયો, એરટેલ અને વોડાફોનના રોજ 3 જીબીવાળા સસ્તા પ્લાન વિશે.
રોજ 3 જીબી ડેટાવાળા આ પ્લાનમાં મળશે ધાંસૂ સુવિધાઓ
ઓછી કિંમતના આ પ્લાનમાં કરાવો રિચાર્જ
જિયો, એરટેલ અને વોડાફોનના આ પ્લાનમાં મળશે ગજબ ઓફર
ત્રણેય કંપનીઓ લગભગ દરેક બજેટમાં રિચાર્જ પ્લાન ધરાવે છે. પરંતુ ઘણી વખત ગ્રાહકો સમજી શકતા નથી કે કયો પ્લાન લેવો જોઈએ. આવી સ્થિતિમાં આજે અમે તમને દરરોજ 3 જીબી ડેટા સાથે ત્રણેય કંપનીઓના સસ્તા પ્લાન વિશે જણાવવા જઈ રહ્યા છીએ. આ સાથે તમે જાણી શકશો કે કઈ કંપનીના પ્લાનમાં વધુ ફાયદા છે.
વોડાફોન આઈડિયાનો 398 રૂપિયાનો પ્લાન
વોડાફોનનો રોજ 3 જીબી ડેટા સાથે આવતો સૌથી સસ્તો પ્લાન 398 રૂપિયાનો છે. આ પ્લાનમાં ગ્રાહકોને 28 દિવસની વેલિડિટી મળે છે. આ રીતે ગ્રાહકોને કુલ 84 જીબી ડેટા મળે છે. આમાં તમામ નેટવર્ક પર અનલિમિટેડ કોલિંગ અને 100 SMS મળી રહે છે. આ સિવાય, Binge All Night, Weekend Data Rollover અને Vi Movies & TV VIPનું એક્સેસ પણ મળી રહે છે.
એરટેલનો 398 રૂપિયાનો પ્લાન
વોડાફોન-આઈડિયાની જેમ એરટેલના પ્લાનની કિંમત પણ 398 રૂપિયા છે. આમાં ગ્રાહકોને 28 દિવસની વેલિડિટી અને 3 જીબી ડેટા (કુલ 84 જીબી) દરરોજ મળે છે. આમાં તમામ નેટવર્ક પર અનલિમિટેડ કોલિંગ અને 100 SMS મળી રહે છે. આ સિવાય પ્રાઈમ વીડિયો મોબાઈલ એડિશન ફ્રી ટ્રાયલ, એરટેલ એક્સસ્ટ્રીમ પ્રીમિયમ, ફ્રી હેલોટ્યૂન્સ અને વિંક મ્યુઝિકની ફ્રી મેમ્બરશિપ પણ મળે છે.
Jioનો 349 રૂપિયાનો પ્લાન
રિલાયન્સ જિયોનો પ્લાન સૌથી સસ્તો છે. જિયોના 349 રૂપિયાના પ્લાનમાં 3 જીબી ડેટા 28 દિવસ માટે ઉપલબ્ધ છે. એટલે કે, કુલ 84 જીબી ડેટા મળી રહે છે. આમાં તમામ નેટવર્ક પર અનલિમિટેડ કોલિંગ અને 100 એસએમએસ આપવામાં આવે છે. આ સાથે JioTV, JioCinema, JioNews, JioSecurity અને JioCloud જેવી એપ્સનું સબ્સ્ક્રિપ્શન પ્લાનમાં આપવામાં આવે છે.