કેનેડાના ઉત્તરીય ઓન્ટેરિયોમાં એક ખાણની અંદર 39 કામદારો ફસાયા છે. તેમને બહાર કાવા માટે રેસ્ક્યુ ઓપરેશન હજુ ચાલુ છે. એવું કહેવામાં આવી રહ્યું છે કે ટેક્નિકલ કારણોસર ખાણના પ્રવેશદ્વાર બંધ થવાના કારણે આ લોકો તેમાં ફસાઈ ગયા. આ ઘટનાને 24 કલાક થી વઘુ સમય થઈ ગયો છે. આ અંગે ખાણ કંપની વાઈસે જણાવ્યું હતું કે, બચાવ ટીમો ઓન્ટારિયોમાં સડબરીની પશ્ચિમમાં સ્થિત ટોટન ખાણ કર્મચારીઓ પાસે પહોંચ્યા છે. જે પર 900 થી 1200 મીટરનીની વચ્ચે ફસાયા છે.
ખાણમાં જરૂરિયાતની સામગ્રી મોકલી આપવામાં આવી રહી છે
કંપનીએ કહ્યું કે આ ઘટનામાં અત્યાર સુધી કોઈને ઈજા થઈ નથી. વાઈલે એક નિવેદનમાં જણાવ્યું હતું કે, "અમને આશા છે કે આજની રાત સુધીમાં બધાને બહાર કાવામાં આવશે. ખાણમાં ફસાયેલા 39 કામદારોમાંથી 30 નું પ્રતિનિધિત્વ કરતું યુનિયન યુનાઈટેડ સ્ટીલવર્કર્સે કહ્યું કે તેને આશા છે કે દરેક સુરક્ષિત રીતે બહાર આવશે. કંપનીએ કહ્યું કે ખાણમાં , પીવાનું પાણી અને દવાઓ પહોંચાડવામાં આવી છે. જેથી અંદર રહેલા કામદારો જીવીત રહી શકે.
ખાણનો પ્રવેશ કેવી રીતે બંધ થયો?
વેલે કહ્યું કે, આ ઘટના ત્યારે બની જ્યારે રવિવારે ખાણની અંદર એક સ્કુપ બકેટ મોકલવામાં આવી હતી તે દરમિયાન ખાણના પ્રવેશદ્વાર બંધ થઈ ગયા હતાં. જેના કારણે કામદારો અંદર ફસાઈ ગયાં. ઓન્ટોરિયાના પ્રમુખ ડગ ફોર્ડે કહ્યું કે, તેઓની સંવેદનાઓ માઈનર્સની સાથે છે. અમે સમજીએ છીએ કે આ બચાવ કામગીરીમાં સમય લાગશે અને માઇનર્સને કોઈ ઈજા થઈ નથી તે જાણીને રાહત થઈ છે,"
બચાવ માટે લેઝર સિસ્ટમની મદદ લેવામાં આવશે
મીડિયા અહેવાલો અનુસાર, માઇનર્સને બહાર કાઢવા માટે સેકન્ડરી ઇગ્રેસ લેઝર સિસ્ટમની મદદ લેવામાં આવશે. આ માટે બચાવ દળની ટીમ મદદ કરશે. બચાવ ટીમના સભ્યો પણ કામદારો સાથે સતત વાતચીત કરી રહ્યા છે. તમને જણાવી દઈએ કે આ ખાણમાંથી કોપર અને નિકલ જેવી અન્ય ધાતુઓ કાઢવામાં આવે છે. આ અગાઉ, ચીનથી પણ આવા સમાચાર આવ્યા હતા. માઇનર્સ માટે ખાણમાં અટવાઇ જવું એ સામાન્ય ઘટના છે. પૂર અને અન્ય કારણોસર, ખાણમાંથી બહાર નીકળવાનું ઘણીવાર અવરોધિત થાય છે અને તેમાં કામ કરતા કામદારો અંદર ફસાયેલા હોય છે.