રાજ્યમાં ચોમાસુ જામ્યું છે. ત્યારે રાજ્યમાં હજી કેટલીક ભૂમી કોરીધાકોર છે. ત્યારે વલસાડમાં છેલ્લા 15 દિવસથી અવિરત વરસાદ વરસી રહ્યો છે. વલસાડમાં 12 વર્ષ બાદ સતત 15 દિવસ સુધી વરસાદ વરસ્યો હતો. આ જ રીતે સતત પખવાડીયા સુધી વરસાદ વરસવાની ઘટના છેલ્લે 2005માં બની હતી. વરસાદના કારણે અનેક લોકોને હાલાકી પડી હતી જયારે જગતનો તાત પાણી મળતા ખુશ જોવા મળ્યો હતો.
રાજ્યમાં પ્રથમ રાઉન્ડમાં 37 ટકા વરસાદ નોંધાતા તંત્ર અને ખેડૂતોમાં ભારે આનંદ જોવા મળ્યો હતો. છેલ્લા પખવાડિયામાં દક્ષિણ ગુજરાત અને સૌરાષ્ટ્રમાં પડી રહેલા અનરાધાર વરસાદના કારણે ગીરસોમનાથ જૂનાગઢ વલસાડ નવસારી સુરત અને ડાંગ જિલ્લામાં અતિ ભારે વરસાદ પડયો હતો. ત્યારે રાજ્યના છેવાડે આવેલા વલસાડમાં પહેલા રાઉન્ડમાં 77 ટકા વરસાદ પડયો છે.
આ વર્ષે તાલુકા પ્રમાણે પડેલા વરસાદના આંકડા પર કરીએ નજર...
આમ અત્યાર સુધીમાં વલસાડમાં સિઝનનો કુલ 77 ટકા વરસાદ નોંધાયો છે...
વલસાડ શહેર પાછલા વર્ષોમાં ચોમાસા દરમ્યાન પુર માટે જાણીતું બન્યું છે. ગત વર્ષોના ઈતિહાસ પર નજર કરીએ તો વર્ષ 2010 2013 અને 2016માં વલસાડ ખાતે પુર આવ્યું હતું. પરંતુ આ પ્રકારનો વરસાદ તે વર્ષોમાં પણ વરસ્યો ન હતો. છેલ્લે 2016માં ઓગસ્ટ મહિનામાં સતત 10 દિવસ વરસાદ વરસ્યો હતો. જેતે સમયે જીલ્લાનો સરેરાશ વરસાદ 10 દિવસમાં માત્ર 2 ઇંચ રહ્યો હતો. જયારે ચાલુ વર્ષે 15 દિવસમાં સીઝનનો 77 % વરસાદ પડી ચુક્યો છે. જિલ્લાની તમામ નદીઓ બે કાંઠે વહી રહી છે. ઔરંગા પાર કોલક દમણ ગંગા વારોલી નદીમાં પુસ્કળ પાણી આવતા ખેડૂતોમાં આનંદ જોવા મળ્યો હતો.
આ પખવાડિયા દરમિયાન ઉમરગામ માં 105 ટકા વરસાદ ખાબકતા નીચાણવાળા વિસ્તારમાં પૂરની સ્થિતિ સર્જાઈ હતી. જો કે વલસાડ અને વાપીમાં આ વખતે પૂર ન આવતા લોકોએ રાહત અનુભવી હતી. વલસાડના ઔરંગાનદીના નીચાણવાળા વિસ્તારમાં પાણી ભરાયા હતા. જોકે વલસાડનું વહીવટી તંત્રની સજાગતાને કારણે વલસાડમાં આ વખતે પરિસ્થિતિ બદતર થતાં રહી ગઈ હતી. હજુ આગામી 24 અને 25 તારીખે પણ વલસાડમાં ભારે વરસાદ ની આગાહી કરાઈ છે. જેને લઈને તંત્ર અલર્ટ થયું છે.