આ ઉત્તરાયણમાં અમદાવાદના વિવિધ વિસ્તારોમાં 3500 જેટલી પતંગ એવી ચગી જે એન્ટિ પોલ્યુશન પતંગ હતી, એક ઉમદા કદમ ઉપાડ્યું અને એન્ટિ પોલ્યુશન પતંગ બનાવી દીધી
મહેશ આંબલિયાએ બનાવ્યું એન્ટિ પોલ્યુશન પતંગ
અમદાવાદમાં 3500 પતંગ એવી ચગી જે એન્ટિ પોલ્યુશન પતંગ હતી
એક ઉમદા કદમ ઉપાડ્યું અને એન્ટિ પોલ્યુશન પતંગ બનાવી દીધી
રાજ્યમાં ઉત્તરાયણના દિવસે લોકો ઉત્સાહભેર ઉજવણી કરતા હોય છે, દર વર્ષે ઉત્તરાયણના દિવસ ખૂબ જ પતંગ ચગે છે પરંતુ આ વખતે અમદાવાદ કંઈક ખાસ પ્રકારની બનેલી પતંગ ચગી છે. જે સૌના હિતકારક પતંગ હતી, તમે વિચારમગ્ન થયા હશો કે, પતંગ હિતકારી કઈ રીતે તો તમને જણાવી દઈએ કે, શહેરમાં 3500 પતંગ એવી ચગી છે જે પ્રદૂષણ વિરોધી પતંગ હતી, જાણો આ એન્ટિ પોલ્યુશન પતંગની વિગતો
મહેશ આંબલિયાએ બનાવ્યું એન્ટિ પોલ્યુશન પતંગ
આ નવતર ખ્યાલ મહેશ આંબલિયાને આવ્યો હતો અને જેમણે જ પ્રદૂષણ વિરોધી પતંગ બનાવી છે. તેમણે વાયુ પ્રદૂષણને ઘટાડવા માટે ખાસ પ્રકારના પતંગ બનાવી છે. આ ખાસ પ્રકારના અને અદ્ભૂત પતંગોનો પ્રયોગ હવાની ગુણવત્તા (એર ક્વૉલિટી) વિશે જાગૃતિ કેળવવા માટે કરવામાં આવ્યો છે. જો કે આ પતંગ વિશે વાત કરીએ તો, આ પ્રદૂષણ વિરોધી પતંગ 2.5 કે તેથી પણ નાના રજકણવાળી પ્રદૂષિત હવાને આકર્ષે છે અને પોતાની તરફ ખેચી પકડે છે.
પ્રદૂષિત સૂક્ષ્મ રજકણો કેટલા નુકસાન કારક
જે પ્રદૂષિત સૂક્ષ્મ કણોને શ્વાસોચ્છવાસમાં આપણે બધા જ લેતા હોઇએ છીએ. આ કણો અસ્થમા, હ્રદયરોગ, ફેફસાના રોગના દર્દીઓ તથા બાળકો અને વૃદ્ધ લોકો સૂક્ષ્મ પ્રદૂષિત રજકણવાળોનો સૌથી વધુ શિકાર બને છે. આ પ્રદૂષિત સુક્ષ્મ રજકણ નરી આંખે જોઇ શકાતા નથી પણ તેને શ્વાસોચ્છવાસમાં લેવાય છે અને તે શ્વાસમાં લેવા અતિજોખમી હોય છે. ઘણી વખત તો તે ફેફસાના કે અન્ય પ્રકારના કેન્સર માટે પણ જવાબદાર હોય છે. આપણે સૌ જાણીએ જ છીએ કે, ભારતના શહેરોમાં હવાની ગુણવત્તા કેટલી દિવસેને દિવસે ખરાબ થઇ રહી છે. એર પોલ્યુશનની વાત કરીએ તો દિલ્હી અને મુંબઇ જેવા મહાનગરોની હવા શ્વાસ માટે અતિ હાનિકારક છે. ગુજરાતના શહેરી વિસ્તારો અને જેમાં પણ ખાસ કરીને અમદાવાદ જેવા શહેરોના ગીચ વસવાટના કારણે હવાનો AQI પણ ખૂબ ખરાબ છે તેમ એર ક્વૉલિટી ઇન્ડેક્સનો આંકડો દર્શાવી રહ્યો છે.
એક ઉમદા કદમ ઉપાડ્યું અને એન્ટિ પોલ્યુશન પતંગ બનાવી દીધી
એર પોલ્યુશનના વિકરાણ પ્રશ્નને ધ્યાનમાં લઈ ઇનોવેટર્સે ઉત્તરાયણના પર્વે એક જાગૃત્તિ કેળવવાના વિચારે તેને સફળ બનાવી દીધો છે. ઉત્તરાયણ ગુજરાતનો એક મોટો ઉત્સવ છે અને જે સમય દરમિયાન લાખો-કરોડોની સંખ્યામાં લોકો ધાબા પર ખૂલ્લામાં શ્વાસ લે છે અને પતંગ ચગાવવાનો આનંદ માણે છે અને આ સમય દરમિયાન સુક્ષ્મ રજકણો શ્વાસમાં વધુ લેવાય છે. જે માટે ઇનોવેટર્સ જાગૃતિ કેળવવા માટે એક ઉમદા કદમ ઉપાડ્યું અને એન્ટિ પોલ્યુશન પતંગ બનાવી દીધી છે. મહેશ આંબલિયાને વિચાર આવ્યો કે, ઉત્તરાયણના પર્વ પર આકાશમાં લાખોની સંખ્યામાં પતંગો ઉડશે અને જો આજ પતંગો પ્રદૂષણ ઓછું કરવામાં મદદ કરે તો? ભલે તે એક દૂરંદેશી ભર્યું સ્વપ્નુ લાગે પણ તેનાથી આપણે પ્રદૂષણ ઓછું કરવા પ્રયત્ન કરી શકીએ.
પ્રદૂષણ વિરોધી પતંગ કંઈ રીતે તૈયાર થયું છે
પ્રદૂષણ વિરોધી પતંગ વિશે તેમને સમજાવીએ કે, આ પતંગ પર એક ખાસ પ્રકારનું કોટિંગ છાંટવામાં આવ્યું છે, તથા આ પતંગોનો કાગળ પર્યાવરણને સુસંગત(એન્વાયરમેન્ટ ફ્રેન્ડલી) છે તથા તેનો કાગળ સામાન્ય રીતે નિકાલ કરી શકાય તેવો બનાવાયો છે. આ પતંગોનું વિતરણ અમદાવાદના ગીચ વસ્તી ધરાવતા વિસ્તારોમાં AQI ટેસ્ટ કરવા માટે વિનામૂલ્યે કરવામાં આવ્યું છે.
આ પતંગ પાછળ કેટલો ખર્ચ થયો?
મહેશ આંબલિયાને પતંગ દીઠ 18 રૂપિયા જેટલો ખર્ચો થયો છે, જે કેટલાક ફેરફાર કરી કિંમતમાં ઘટાડો કરી શકાય તેમ છે. જેમણે આ ઉત્તરાયણના પર્વ પર 3500 જેટલી પતંગ અમદાવાદના
સુરીલીયા, વસ્ત્રાલ, મહાદેવનગર અને દરિયાપુર, શાહપુર તેમજ સીટિએમ વિસ્તારમાં મફત વિતરણ કરી છે. જો કે, હવે પછીના ઉત્તરાયણના તહેવારમાં વધુ પતંગો વિતરણ કરવાની તેમની ઈચ્છા છે અને પાપ્ત માહિતી અનુસાર આ ફક્ત રિસર્ચના ભાગે રૂપે 3500 ફક્ત વિતરણ કરવામાં આવી હતી હવે પછી મોટું સ્ટાર્ટપ કરવાની તૈયારીઓ છે
ઇનોવેટર્સેની સિદ્ધીઓની સિડીઓ
કહેવાય છે કે, માનવ ઉત્થાન માટે કંઈક કરી છૂટવાની ભાવના હોય તો તે દુનિયાનો કિનારો પણ શોધી લાવે છે તે જે રીતે આ નવતર ખ્યાલ મહેશ આંબલિયા દ્વારા વિકસાવવામાં આવ્યો છે. જેમણે સેવલોન હેલ્ધી હેન્ડ્સ ચોક સ્ટીક્સ (એક ચોક સ્ટીક જે સ્લેટ પર લખતા બાળકો માટે સાબુ જેવું કામ કરે છે. તેમને હાથ ધોવાની આદત શીખવવાના હેતુથી) જેવી નવીનતાઓ માટે કેન્સ ખાતે બહુવિધ ગ્રાન્ડ પ્રિકસ ઍવોર્ડ પણ પોતાના નામે કર્યો છે. એટલુ જ નહીં, તેમણે કિલર પેક પણ બનાવ્યું છે જે એક મચ્છર ભગાડનાર પેકેજિંગને નિકાલ કરવામાં આવે ત્યારે કચરામાં મચ્છરના લાવીને મારવામાં મદદ કરે છે.