રાજસ્થાનમાં કોરોના રસીના પહેલા ડોઝને અટકાવવાની અસર આખા દેશ પર જોવા મળી રહી છે.
બુધવારે રાજસ્થાનમાં પહેલા ડોઝનું રસીકરણ નથી કરવામાં આવ્યું
રસીકરણમાં 35 ટકા સુધીનો ઘટાડો નોંધાયો
રાજસ્થાન ઉપરાંત ઉત્તરાખંડ સહિત કેટલાક રાજ્યોમાં રસીકરણની ગતિ ધીમી
રસીકરણમાં 35 ટકા સુધીનો ઘટાડો નોંધાયો
એક દિવસમાં રસીકરણમાં 35 ટકા સુધીનો ઘટાડો નોંધાયો છે. ગત સોમવારે દેશભરમાં 20 લાખથી વધારે લોકોને રસી લાગી હતી. પરંતુ મંગળવારે 13 લાખ લોકોને જ રસી લાગી શકી છે.
રાજસ્થાન ઉપરાંત ઉત્તરાખંડ સહિત કેટલાક રાજ્યોમાં રસીકરણની ગતિ ધીમી
સ્વાસ્થ્ય મંત્રાલયના એક વરિષ્ઠ અધિકારીઓએ જણાવ્યું કે રાજસ્થાન ઉપરાંત ઉત્તરાખંડ સહિત કેટલાક રાજ્યોમાં રસીકરણની ગતિ ધીમી છે. જેના કારણે રસીકરણના આંકડા પર અસર પડી રહી છે. પરંતુ આશા રખાઈ રહી છે કે આવનારા કેટલાક દિવસોમાં દેશમાં રોજના 30 લાખથી વધારે લોકોને રસી લાગવાની શરુ થઈ જશે.
બુધવારે રાજસ્થાનમાં પહેલા ડોઝનું રસીકરણ નથી કરવામાં આવ્યું
એક દિવસ પહેલા કેન્દ્ર પર પુરતા પ્રમાણમાં રસીનો જથ્થો ન આપવાનો આરોપ લગાવતા રાજસ્થાન સરકારે રસીકરણ અટકાવી દીધું હતુ. સીએમ અશોક ગહેલોતે અને સ્વાસ્થ્ય મંત્રી ડો. રઘુ શર્માએ સ્વાસ્થ્ય મંત્રાલયના આંકડાને ખોટા ગણાવતા કેન્દ્રીય સ્વાસ્થ્ય મંત્રી ડો. હર્ષવર્ધન સાથે વાતચીત કર્યાની જાણકારી આરી છે. જો કે બુધવારે રાજસ્થાનમાં પહેલા ડોઝનું રસીકરણ નથી કરવામાં આવ્યું.
પ્રતિબંધ છતાં રાજસ્થાન મુખ્ય
ગત એક દિવસમાં 13.59 લાખ ડોઝ આપવામાં આવ્યા છે. જેમાં 10. 69 લાખ લોકોએ પહેલી અને 2.98 લાખ લોકોએ બીજો ડોઝ લીધો છે. દેશમાં અત્યાર સુધીમાં 2.43 કરોડ ડોઝ આપવામાં આવ્યા છે. જેમાં 2 કરોડ પહેલા ડોઝ અને 43 લાખ બીજા ડોઝ સામેલ છે. રસી લગાવવાના મામલામાં રાજસ્થાન સૌથી આગળ છે. જ્યારે લગભગ 24 લાખ રસી લગાવી ચૂક્યા છે.
કેટલા લોકોને રસીના ડોઝ અપાયા
16 જાન્યુઆરીથી 28 ફેબ્રુઆરી સુધી લગભગ 1.43 કરોડ લોકોએ રસી લગાવી હતી. ત્યારે માર્ચના પહેલા અઠવાડિયામાં 50 લાખથી વધારે ડોઝ લેવામાં આવ્યા છે. એટલે કે દરેક દિવસે અંદાજીત 7.5 લાખથી વધારે ડોઝ આપવામાં આવ્યા છે. અત્યાર સુધી દેશમાં 71.30 લાખ સ્વાસ્થ્યકર્મીઓને રસી લગાવાઈ ચૂકી છે. જેમાંથી 38.90 લાખ કર્મચારીઓએ બીજો ડોઝ લીધો છે. ત્યારે ફ્રન્ટલાઈન વર્કરોની વાત કરીએ તો 69. 36 લાખે પહેલો અને 4.73 લાખે બીજો ડોઝ લીધો છે.