આગાહી / ગુજરાતમાં હજુ આટલી છે વરસાદની ઘટ, જાણો આગામી ચાર દિવસમાં ક્યાં ક્યાં પડશે વરસાદ

ગુજરાતમાં 35 ટકા વરસાદની ઘટ

હજુ ચાર દિવસની આગાહી 

આજે ક્યાં પડશે વરસાદ?

ગુજરાતમાં ચોમાસાએ કમબેક કર્યું છે. છેલ્લા કેટલાક દિવસથી ગુજરાતનાં વિવિધ વિસ્તારોમાં અવિરત વરસાદ પડી રહ્યો છે. તો કેટલાક વિસ્તારો હજુ વરસાદના આગમનની રાહ જોઈ રહ્યા છે પણ તો પણ ઓવરઓલ આઅ વર્ષે વરસાદ સારો કહી શકાય એટલો પડી ચૂક્યો છે. 

35 ટકા વરસાદની ઘટ

જો કે તો પણ હજુ ગુજરાતમાં વરસાદની ઘટ દર્શાવાઈ રહી છે. હજુ ગુજરાત રાજ્યમાં હજુ પણ 35 ટકા વરસાદની ઘટ છે જે આગામી દિવસોમાં વરસાદ પડશે તો પૂરી કરી શકાશે. 

હજુ ચાર દિવસની આગાહી 
ગુજરાતમાં અમુક વિસ્તારોમાં હજુ બીજા ચાર દિવસ વરસાદ પડે તેવી સંભાવના છે. હવામાન વિભાગની આગાહી મુજબ હજુ આગામી ચાર દિવસ સુધી ગુજરાતભરમાં વરસાદ પડી શકે છે. 

આજે ક્યાં પડશે વરસાદ?
આજે સૌરાષ્ટ્ર અને ઉત્તર ગુજરાતમાં  વરસાદની સંભાવના વ્યક્ત કરવામાં આવી હતી. આ ઉપરાંત ગુજરાતના પૂર્વ વિસ્તારના જિલ્લાઓમાં પણ વરસાદ થશે તેવી સંભાવના છે. 

બે સિસ્ટમ સક્રિય થતા ગુજરાતભરમાં વરસાદની આશા

ગુજરાતમાં બે સિસ્ટમ સક્રિય થવાના કારણે હજુ વરસાદ પડે તેવી સંભાવના હવામાન વિભાગ દ્વારા વ્યક્ત કરવામાં આવી હતી. આ ઉપરાંત વરસાદની બચેલી ઘટ પૂરી થાય તો પીવાથી લઈ ખેતીમાં પાણીની તંગીની સમસ્યા પણ આપોઆપ દૂર થઈ જે તેવી આશા છે.