FACT CHECK / યુવાનોને દર મહિને 3400 રૂપિયા! 'પ્રધાનમંત્રી જ્ઞાનવીર યોજના'નાં નામે ધૂપ્પલ, રજીસ્ટ્રેશન કરતાં પહેલા જાણી લો હકીકત

• યુવાનોને દર મહિને 3,400 રૂપિયા આપવામાં આવશે
• પીઆઈબી ફેક્ટ ચેકના ટ્વિટ દ્વારા કરવામાં આવી જાણ 
• આ નામની કોઈ સરકારી યોજના છે જ નહીં 

ઈન્ટરનેટ અને ઓનલાઈન દુનિયા અગમ્ય છે. આ ઓનલાઈન અને ઈન્ટરનેટને દુનિયાથી જીવન જેટલું સરળ થયું છે એટલું ગૂંચવાયું પણ છે. કામની વસ્તુ સાથે નકામી વસ્તુઓ પણ અહિયાં મળી રહે છે. ઓનલાઈનની આ દુનિયામાંથી નફો કે નુકસાન તમે શું મેળવો છે એ બધો જ આધાર તમારા પર જ છે. એક તરફ ઓનલાઈન આપણને ઘરે બેઠા અનેક સુવિધાઓનો લાભ આપે છે તો બીજી તરફ છેતરપિંડી કરનારાઓ હંમેશા તેમનો શિકાર બનવા અને તમારું બેંક એકાઉન્ટ ખાલી કરવાનો મોકો શોધી રહ્યા હોય છે. આવો જ એક કિસ્સો કથિત રીતે પ્રધાનમંત્રી જ્ઞાનવીર યોજના સાથે જોડાયેલ છે.

દર મહિને 3,400 રૂપિયા આપવામાં આવશે
જણાવી દઈએ કે હાલ જ સોશિયલ મીડિયા પર એક મેસેજ વાયરલ થઈ રહ્યો છે જેમાં એવો દાવો કરવામાં આવ્યો હતો કે સરકાર પ્રધાનમંત્રી જ્ઞાનવીર યોજના હેઠળ નોંધણી કરાવવા દરેક યુવાનોને દર મહિને 3,400 રૂપિયા આપવામાં આવશે. આ વાયરલ મેસેજ લોકોને 3400 રૂપિયાની લાલચ આપીને લિંક પર ક્લિક કરવા માટે પ્રોત્સાહિત કરતો હતો. આ વાયરલ મેસેજમાં એક લિંક આપવામાં આવી  હતી અને તેનું URL જ્ઞાનવીર યોજનાના નામે કરવામાં આવ્યું હતું. પહેલી નજરે જોતાં કોઈને પણ એમ જ લાગે કે એ કોઈ સરકારી સ્કીમ છે પણ એવું નહતું. 

સરકારે શું કહ્યું 
આ વાત પર સરકારે ચોખવટ કરી હતી કે પ્રધાનમંત્રી જ્ઞાનવીરના નામની કોઈ યોજના છે જ નહીં. સોશિયલ મીડિયા પર વાયરલ થઈ રહેલા મેસેજને લઈને સરકારે પીઆઈબી ફેક્ટ ચેકના ટ્વિટ દ્વારા માહિતી આપતા જણાવ્યું છે કે 'પ્રધાનમંત્રી જ્ઞાનવીર' નામની યોજના નકલી છે જેમાં દરેક યુવકને દર મહિને 3400 રૂપિયા આપવાની વાત કરવામાં આવી છે.' સરકારે સલાહ આપી છે કે એવી કોઈપણ વેબસાઈટ કે લિંક પર તમારી અંગત માહિતી શેર ન કરવી અને આવા મેસેજ ફોરવર્ડ કરતા પહેલા તેને ફેક્ટ ચેક કરવા પણ કહ્યું છે. 

दावा: प्रधानमंत्री ज्ञानवीर योजना के तहत पंजीकरण करने पर सभी युवाओं को प्रति माह ₹3,400 दिए जाएंगे। #PIBFactCheck

▶️यह दावा फ़र्ज़ी है।

▶️इस तरह की किसी वेबसाइट/लिंक पर अपनी निजी जानकारी साझा न करें।

▶️ऐसे संदेशों को फॉरवर्ड करने से पहले #FactCheck जरूर कर लें। pic.twitter.com/KVMzxMJnNW

— PIB Fact Check (@PIBFactCheck) September 6, 2022

આવી રીતે છેતરાઈ શકો છો 
જણાવી દઈએ કે આવા વાયરલ મેસેજ ફિશિંગ હુમલાનો એક ભાગ હોય છે જેમાં ગ્રાહકો ફસાઈ જાય છે અને એ લિંક્સ પર ક્લિક કરે છે. લિંક પર ક્લિક કરીને તમને વેબસાઇટ પર લઈ જવામાં આવે છે જ્યાં જતાંની સાથે જ તમારી અંગત માહિતી ચોરાઈ જાય છે. જેમાં તમારું બેંક એકાઉન્ટ, CVV અથવા OTP પણ હોય શકે છે અને એકવાર આવી માહિતી લીક થઈ ગયા પછી તમે સરળતાથી સાયબર ફ્રોડ અને છેતરપિંડીઓનો શિકાર બની શકો છો.