દેશમાં સ્કૂલો શરુ થયા બાદ કોરોનાના કેસોમાં સતત ઉછાળો આવી રહ્યો છે. હવે તમિલનાડુમાં એક દિવસમાં સ્કૂલના 34 બાળકો કોરોના પોઝિટીવ નીકળ્યાં છે.
દેશમાં સ્કૂલો શરુ થયા બાદ કોરોનાના કેસોમાં સતત ઉછાળો
તમિલનાડુમાં એક દિવસમાં 34 બાળકો થયા કોરોનાગ્રસ્ત
બે અઠવાડિયામાં 117 બાળકો કોરોના પોઝિટીવ થયા
ભારતમાં કોરોના વાયરસના કેસ વધી રહ્યા છે ત્યાર 24 કલાકમાં 30570 નવા કેસ આવ્યા છે અને સાથે 431 લોકોના મોત થયા છે. આ સમયે 38303 દર્દી સાજા થયા છે. નવા આંકડાની સાથે દેશમાં કોરોના સંક્રમિતની સંખ્યા 3 કરોડ 33 લાખ 47 હજાર 325 થઈ છે. અત્યારસુધીમાં 4 લાખ 43 હજાર 928 દર્દીના મોત થયા છે. દેશમાં 3 લાખ 42 હજાર 923 દર્દીની સારવાર ચાલી રહી છે.
દિલ્હીમાં એક પણ મોત નહીં
દિલ્હીમાં બુધવારે કોરોના વાયરસના 57 નવા કેસ આવ્યા છે અને કોઈ પણ સંક્રમિતે જીવ ગુમાવ્યો નથી. સંક્રમણ દર 0.08 ટકા નોંધાયો છે. દિલ્હીમાં સપ્ટેમ્બરમાં સંક્રમણના કારણે એક દર્દીનું મોત થયું છે. સ્વાસ્થ્ય બુલેટિનના અનુસાર દિલ્હીમાં કુલ કેસ 14,38,345 થયા છે તો તેમાંથી 14.12 લાખથી વધારે સાજા થયા છે. દિલ્હીમાં 25083 લોકોના મોત થયા છે. અહીં સંક્રમણ દર 0,05 ટકા છે તો 28 માર્ચ બાદ સંક્રમણના કેસ સૌથી ઓછા રહ્યા છે.
કેરળમાં નથી ઘટી રહ્યા કેસ
કેરળમાં બુધવારે કોરોના વાયરસના 17,681 નવા કેસ આવ્યા તો સાથે 208 લોકોના મોત થયા હતા. કુલ કેસની સંખ્યા વધીને 44,24,046 થઈ છે અને સાથે મૃતકોની સંખ્યા 22,987 થઈ છે. સરકારની તરફથી જાહેર સૂચના અનુસાર 1 દિવસમાં 25,588 લોકો સાજા થયા છે અને સાથે કુલ 42,09,746 લોકો સાજા થયા છે. 24 કલાકમાં 97,070 ટેસ્ટની તપાસ કરાઈ છે.