નાણા મંત્રાલય દ્વારા માહિતી આપવામાં આવી કે જુલાઈમાં GST કલેકશન 1 લાખ કરોડને પાર પહોચ્યું છે. ગત વર્ષના જુલાઈ માસની સરખામણીએ આ વર્ષે 33 ટકાનો વધારો નોંધાયો છે.
GST કલેકશનમાં 33 ટકાનો વધારો
જુલાઈનું કુલ GST કલેકશન 1,16,393 કરોડ રૂપિયા
લોકડાઉન હટ્યા બાદ જીએસટી કલેકશનમાં ઉછાળો
જુલાઈમાં જીએસટી કલેકશન 33 ટકાનો વધારો જોવા મળ્યો છે. કુલ જીએસટી ટેક્સ જુલાઈમાં 1.16 કરોડ ઉપર પહોચી ગયો છે. સમગ્ર મામલે નાણા મંત્રાલય દ્વારા આ મામલે સામેથી જાણકારી આપવામાં આવી છે. જુલાઈના જીએસટી આંકડાઓ પરથી ખ્યાલ આવે છે, કે દેશની અર્થવ્યવસ્થા ઝડપથી ઉપર આવી રહી છે.
1,16,393 કરોડ રૂપિયા કુલ GST કલેકશન
આંકડાઓ પર ધ્યાન આપીએ તો જુલાઈ 2021માં કુલ જીએસટી આવક 1,16,393 કરોડ રૂપિયા હતી. જેમા કેન્દ્રીય જીએસટી 22,197 કરોડ, રાજ્ય જીએસટી 28,541 કરોડ, સંકલિત જીએસટી 57.864 રહ્યા છે. સાથેજ અન્ય કરો પર પણ 7,790 રૂપિયા આવક થઈ છે.
ગત વર્ષના જુલાઈ માસની સરખામણીમાં 33 ટકા વધારો
ગત વર્ષના જુલાઈ મહિનાની સરખામણીએ આ વર્ષે 33 ટકા જેટલી વધારે આવક થઈ છે. ઉપરાંત ઘરેલું લેવડદેવજ સંગ્રહમાં પણ 32 ટકાનો વધારો નોંધાયો છે. નાણામંત્રાલયનું કહેવું છે કે છેલ્લા આઠ મહિનામાં જીએસટી સંગ્રહનો આંકડો એક લાખ કરોડ રૂપિયા કરતા વધારે રહ્યો છે. પરંતુ જૂન મહિનામાં આ આંકડો નીચે આવ્યો હતો.
લોકડાઉન હટ્યા બાદ કલેકશન વધ્યું
ઉલ્લેખનીય છે કે ગત મે 2021માં કોરોના મહામારીને કારણે કેન્દ્ર પ્રદેશોમાં પૂર્ણ અથવા આંશિક લોકડાઉન લગાવામાં આવ્યું હતું. પરંતુ તે લોકડાઉન હટ્યા બાદ જીએસટીના આંકડો 1 લાખ કરોડ ને પાર કરી ગયો તેવું નાણા મંત્રાલયનું કહેવું છે. જોકે આ આંકડાઓ પરથી એવું જરૂરથી કહી શકાય કે અર્થ વ્યવસ્થાને ઝડપથી વેગ મળી રહ્યો છે. પરંતુ પ્રજાને ક્યારે લાભ મળશે તે સવાલ દરેક લોકોના મનમાં ઉઠી રહ્યા છે.