રાજસ્થાનના ડુંગરપુરમાં એક મહિલાએ એક-બે નહીં પણ 32 વખતમ મંડળમાં બેઠી અને લગ્ન કર્યા હતા. આ કોઈ વાર્તા નથી, પણ હકીકત છે.
રાજસ્થાનમાંથી લૂંટેરી દુલ્હન પકડાઈ
એક બે નહીં પણ 32 વખત લગ્ન કર્યા
કેટલાય લોકોને બનાવી ચુકી છે શિકાર
કહેવાય છે કે, લગ્ન એ જીવનભરનો સાથ હોય છે. એક વાર લગ્ન થઈ જાય પછી બે શરીરનું જન્મોજનમનો સંબંધ બંધાઈ જતો હોય છે, પણ હાલના સમયમા મહિલાઓ અને પુરુષ છૂટછેડા લઈ તુરંત બીજા લગ્ન પણ કરી લેતા હોય છે. રાજસ્થાનના ડુંગરપુરમાં એક મહિલાએ એક-બે નહીં પણ 32 વખતમ મંડળમાં બેઠી અને લગ્ન કર્યા હતા. આ કોઈ વાર્તા નથી, પણ હકીકત છે. મૂળ તો મધ્ય પ્રદેશના જબલપુરની રહેવાસી એક 32 વર્ષિય મહિલાએ 32 વાર લગ્ન કર્યા. આ મહિલાએ છેલ્લા લગ્ન ડુંગરપુર જિલ્લાના એક યુવક સાથે કર્યા હતા, જે ફક્ત સાત દિવસ ચાલ્યા હતા. એવું પણ સામે આવ્યું છે કે, આ યુવતીના કોઈ પણ લગ્ન 10 દિવસથી વધારે ચાલ્યા નથી.
લગ્નના થોડા દિવસમાં જ સાસરિયામાંથી થઈ જાય છે ફરાર
હકીકતમાં આ મામલો ગુના સાથે જોડાયેલ છે. જબલપુરની રહેવાસી રીના ઠાકુર ઉર્ફે સીતા ચૌધરી ઉર્ફે કાજલ ચૌધરી પર લુટેરી દુલ્હનનો આરોપ લાગ્યો છે. રાજસ્થાનના ડુંગરપુર પોલીસે આરોપી મહિલાની ધરપકડ કરી લીધી છે. ડુંગરપુર નિવાસી પ્રકાશ ચંદ્ર ભટ્ટે પોલીસમાં રીના અને એક એજન્ટ વિરુદ્ધ ફરિયાદ નોંધાવી હતી. એજન્ટે પાંચ લાખ રૂપિયા લઈને પ્રકાશ અને રીનાના લગ્ન કરાવ્યા હતા. લગ્નના સાત દિવસ બાદ રીના ઘરેણાં લઈને ઘરેથી ભાગી ગઈ હતી.
પહેલા પણ જેલની હવા ખાઈ ચુકી છે આ મહિલા
રીનાએ એક નહીં પણ 32 વાર લગ્ન કર્યા છે. તે પહેલા પણ જેલમાં હવા ખાઈ ચુકી છે. અન્ય એક જગ્યાએ કેસમાં બે વર્ષથી ફરાર હોવાનું પણ ખુલ્યું છે. આરોપી પહેલા મધ્ય પ્રદેશના નર્વદાપુરમ જિલ્લાના પીપરિયા પોલીસે સ્ટેશનમાં આવી રીતે લગ્ન બાદ પૈસા અને ઘરેણાં લઈને ભાગી ગઈ હતી. આ મામલામાં તેની ધરપકડ થઈ અને તે જેલની પણ હવા ખાઈ ચુકી છે. ડુંગરપુરના સાંગવાડાના પોલીસ અધિકારી સુરેન્દ્ર સોલંકીએ અપીલ કરી હતી, આ મામલે રીના ઠાકુરને અન્ય કોઈ સાથે મળીને આવું કામ કર્યું તો આવીને FIR કરાવો.
પોલીસ કોન્સ્ટેંબલ વરરાજો બન્યો અને યુવતીને દબોચી લીધી
આરોપી રીના નકલી આધાર કાર્ડ બનાવીને લોકોને છેતરી રહી હતી. જેનાથી પોલીસને તેનું એડ્રેસ ખબર પડતી નહોતી. બાદમાં પોલીસે પ્લાન બનાવ્યો અને જબલપુર પહોંચી. જ્યાંથી ખબર પડી કે, રીના એક ગુડ્ડી બર્મન નામની મહિલા સાથે રહે છે. જે યુવતીનો નકલી લગ્નના કાવતરા રચે છે. બાદમાં પોલીસે ગુડ્ડી બર્મનનો નંબર લીધો અને તેને પોલીસ સ્ટેશનના કોન્સ્ટેબલનો ફોટો મોકલ્યો અને કહ્યું કે, આ યુવકને લગ્ન કરવાના છે. બાદમાં ગુડ્ડીએ 8 છોકરીઓના ફોટા મોકલ્યા જેમાંથી રીનાને સિલેક્ટ કરી અને તેને મળવા બોલાવી, રીના જેવી આવી કે તેને પોલીસે પકડી લીધી.