જમ્મુ કાશ્મીરના રાજૌરી જિલ્લાની એક સ્કુલમાં એકીસાથે 32 બાળકો કોરોના પોઝિટીવ નીકળતા તંત્ર સાબદુ થયું છે.
દેશમાં કોરોનાની બીજી લહેર અત્યંત નબળી પડી
ક્યાંકને ક્યાં કોરોના વિસ્ફોટ થઈ રહ્યો છે
જમ્મુ કાશ્મીરના રાજૌરી જિલ્લાની એક સ્કુલની ઘટના
એક ઝાટકે 32 બાળકો કોરોનાની ઝપેટમાં આવતા ખળભળાટ
તંત્રએ સ્કૂલને મારી દીધું સીલ
એન્ટીજન ટેસ્ટમાં 32 બાળકો કોરોનાગ્રસ્ત થયા હોવાનું બહાર આવ્યું
દેશમાં કોરોનાની બીજી લહેર અત્યંત નબળી પડી ગઈ છે તેમ છતાં પણ ક્યાંકને ક્યાં કોરોના વિસ્ફોટ થઈ રહ્યો છે. જમ્મુ કાશ્મીરના રાજારી જિલ્લાની એક સ્કુલમાં 32 બાળકો કોરોના પોઝિટીવ નીકળ્યાં છે. સ્કુલ શરુ થતા પહેલા તંત્ર દ્વારા બાળકોનો એન્ટીજન ટેસ્ટ કરવામાં આવ્યો હતો તેમાં 32 બાળકોને કોરોના હોવાનું બહાર આવ્યું હતું. આ ઘટના બાદ હાલ પુરતું સ્કુલને બંધ કરી દેવાઈ હોવાનું જાણવા મળ્યું છે.
ઉલ્લેખનીય છે કે તાજેતરમાં જમ્મુ-કાશ્મીર સરકારે 10અને 12મા ધોરણો ઓફલાઇન લાગુ કરવાનો આદેશ આપ્યો હતો.
લેહમાં પણ 71 નવા કેસ નોંધાયા હતા
થોડા દિવસ પહેલાં લદ્દાખની રાજધાની લેહમાં પણ આવું જ બન્યું હતું, ત્યારબાદ ત્યાં શાળાઓ બંધ કરી દેવામાં આવી છે. લેહે ગયા અઠવાડિયે એક દિવસમાં 71 નવા કેસ નોંધ્યા હતા, જે બે મહિનામાં સૌથી વધુ છે. જિલ્લા વહીવટીતંત્રે ૧૫ દિવસ માટે શાળા બંધ રાખવાનો આદેશ આપ્યો હતો. ત્યાંની શાળાઓ ૨ ઓક્ટોબર સુધી ફરીથી બંધ કરવામાં આવી છે.
દેશમાં છેલ્લા 24 કલાકમાં કોરોનાના નવા 26,041 કેસો
દેશમાં છેલ્લા 24 કલાકમાં 26,041 નવા કોરોના કેસ અને 276 લોકોના મોત નોંધાયા છે. દરમિયાન જમ્મુ-કાશ્મીરમાં 127 નવા કેસ નોંધાયા હતા અને એક દર્દીનું મોત નીપજ્યું હતું. જમ્મુ-કાશ્મીરમાં હજુ પણ 1,514 દર્દીઓ છે જેમની સારવાર ચાલી રહી છે.