કેન્દ્ર રાજ્યોની મદદે / મોદી સરકારે દેશના 5 રાજ્યો માટે અધધ... આટલા કરોડની સહાય જાહેર કરી

• આંધ્રપ્રદેશ, બિહાર, તમિલનડુ, પાંડિચેરી અને મધ્યપ્રદેશને સહાય મળશે
• ગૃહમંત્રી શાહની આગેવાનીમાં એક હાઈ લેવલની બેઠક મળી
• મધ્યપ્રદેશને સૌથી વધારે રુ.1280.18 કરોડની સહાય મળશે 

કેન્દ્રીય ગૃહમંત્રી અમિત શાહની આગેવાની વાળી એક હાઈ લેવલની કમિટીએ 2020 ની સાલમાં કુદરતી હોનારત અને તીડના હુમલાનો ભોગ બનેલા દેશના પાંચ રાજ્યો માટે રુ. 3,113 કરોડની સહાય જાહેર કરી છે. 

જે પાંચ રાજ્યો માટે કેન્દ્રીય સહાયની જાહેરાત કરવામાં આવી છે તેમાં આંધ્રપ્રદેશ, બિહાર, તમિલનડુ, પાંડિચેરી અને મધ્યપ્રદેશ સામેલ છે.

ગૃહ મંત્રાલય દ્વારા જારી એક નિવેદનમાં કહેવાયું કે ગૃહમંત્રી શાહની આગેવાનીમાં એક હાઈ લેવલની બેઠક મળી હતી જેમાં પાંચ રાજ્યો અને કેન્દ્રશાસિત રાજ્યોને વધારાની કેન્દ્રીય સહાયની મંજૂરી અપાઈ છે. 

કયા રાજ્યને કેટલા મળશે 

3113 કરોડ રુપિયામાંથી આંધ્રપ્રદેશને રુ. 280.78 કરોડ, બિહારને રુ.1255.27 કરોડ, તમિલનાડુને રુ. 63.14 કરોડ, પાંડિચેરીને રુ. 9.91 કરોડ તથા મધ્યપ્રદેશને રુ.1280.18 કરોડની કેન્દ્રીય સહાય મળશે. 

કુદરતી હોનારતનો સામનો કરનાર પાંચ રાજ્યોને મદદનો સરકારનો સંકલ્પ-અમિત શાહ 

વાવાઝોડા, પૂર હોનારત, અતિવૃષ્ટિ જેવી કુદરતી હોનારતનો સામનો કરનાર પાંચ રાજ્યોના જવાબની રાહ જોય વગર જ કેન્દ્ર સરકારે ઈન્ટર મિનિસ્ટ્રીયલ સેન્ટ્રલ ટીમને તહેનાત કરી હતી. વધારાની કેન્દ્રીય સહાયની મંજૂરી આપતી વખતે અમિત શાહે કહ્યું કે વડાપ્રધાન મોદીની આગેવાનીમાં કેન્દ્ર સરકારે કુદરતી હોનારતનો બહાદુરીપૂર્વક સામનો કરનાર આંધ્રપ્રદેશ, બિહાર, તમિલનાડુ, પાંડિચેરી અને મધ્યપ્રદેશના લોકોને મદદ કરવાનો સંકલ્પ કર્યો છે.