ભારતમાં હવે દિનપ્રતિદિન મંકિપોક્સના કેસ વધી રહ્યાં છે બુધવારે દિલ્હીમાં મંકિપોક્સનો ચોથો કેસ નોંધાયો છે અને આ વખતે એક નાઈજેરિયન મહિલા પોઝિટીવ નીકળી છે.
ભારતમાં મંકિપોક્સનો ધીમો કેર શરુ
દિલ્હીમાં ચોથો કેસ નોંધાયો
31 વર્ષીય નાઈજેરિયન મહિલા નીકળી પોઝિટીવ
ભારતમાં મંકિપોક્સના કુલ કેસ 9
દેશમાં હવે ધીમી ગતિએ મંકિપોક્સનો પગપેસારો થતો જાય છે. દેશમાં પહેલી વાર એક મહિલાને મંકિપોક્સનો ચેપ લાગ્યો છે. દિલ્હીમાં ઉપરાઉપરી ત્રણ નાઈજેરિયાના વ્યક્તિઓમાં મંકિપોક્સના ચેપ બાદ હવે વધુ એક નાઈજેરિયન વ્યક્તિ મંકિપોક્સ પોઝિટીવ નીકળી છે. આ વખતે મંકિપોક્સે નાઈજેરિયન મહિલાને ઝપટે લીધી છે.
31-year-old woman tests positive for #Monkeypox in Delhi, takes India's tally to 9: Sources
દિલ્હીમાં મંકીપોક્સનો ચોથો કેસ
દિલ્હીમાં મંકીપોક્સનો આ ચોથો કેસ છે. દેશમાં અત્યાર સુધીમાં કુલ નવ લોકોના ટેસ્ટ પોઝિટિવ આવ્યા છે, જેમાં કેરળના પાંચ લોકોનો સમાવેશ થાય છે. દિલ્હીમાં મંકીપોક્સનો ચેપ લાગ્યો હોય તેવો ત્રીજો વ્યક્તિ પણ નાઇજિરિયાનો હતો. જાણકારી અનુસાર 35 વર્ષીય આ વ્યક્તિ દિલ્હીમાં રહે છે. તાજેતરમાં વિદેશ પ્રવાસ કરવા માટે તે બીજે ક્યાંય નહોતું.
Delhi reports 4th monkeypox case as 31-year-old Nigerian woman tests positive; India's tally now nine, say official sources
દેશમાં પ્રથમ વખત, કોઈ સ્ત્રીને મંકીપોક્સનો ચેપ લાગ્યો
દેશમાં મંકીપોક્સથી પોઝિટિવ થનારી તે પહેલી મહિલા છે. સૂત્રોએ જણાવ્યું હતું કે મહિલાને તાવ અને ચામડીમાં મોટી ફોલ્લીઓ હતી, જેના પગલે તેને એલએનજેપી હોસ્પિટલમાં દાખલ કરવામાં આવી હતી. ત્યારબાદ તેના સેમ્પલ પરીક્ષણ માટે મોકલવામાં આવ્યા હતા. ત્યારબાદ બુધવારે તેમનો રિપોર્ટ પોઝિટિવ આવ્યો હતો. સૂત્રોએ જણાવ્યું હતું કે પોઝિટીવ મહિલાના વિદેશ પ્રવાસની કોઈ જાણકારી ઉપલબ્ધ નથી. દિલ્હીમાં મંકિપોક્સના પહેલા દર્દીને સોમવારે એલએનજેપી હોસ્પિટલમાંથી રજા આપવામાં આવી હતી.
મંકિપોક્સના કેરળમાં પાંચ, દિલ્હીમાં ચાર કેસ
હાલમાં ભારતમાં મંકિપોક્સના ટોટલ 9 કેસ છે જેમાં કેરળના પાંચ અને દિલ્હીના ચાર કેસ સામેલ છે. મંકિપોક્સને કારણે ભારતમાં કેરળમાં પહેલું મોત થઈ ચૂક્યું છે.