ગુજરાતમાં હેડક્લાર્ક પરીક્ષાના પેપર લીક કેસ બાદ રાજકારણ ગરમાયું છે ત્યારે ગુજરાત કોંગ્રેસ દ્વારા પેપર લીક કેસ મામલે હાઈકોર્ટના સિટિંગ જજ પાસે તપાસ કરવામાં આવે તેવી માંગ કરી છે
હેડ ક્લાર્ક પેપર લીક મામલે કોંગ્રેસના આરોપ
પેપરકાંડ મુદ્દે કોંગ્રેસની કડક કાર્યવાહીની માગ
જવાબદારોને પોલીસ પકડતી ન હોવાનો આરોપ
ગુજરાતમાં હેડક્લાર્ક પરીક્ષાના પેપર લીક કેસ બાદ રાજકારણ ગરમાયું છે ત્યારે ગુજરાત કોંગ્રેસ દ્વારા પેપર લીક કેસ મામલે હાઈકોર્ટના સિટિંગ જજ પાસે તપાસ કરવામાં આવે તેવી માંગ કરી છે. કોંગ્રેસ પ્રભારી રઘુ શર્માએ કહ્યું કે ગુજરાતના યુવાનો સાથે અન્યાય થયો છે,પેપર લીક કરનાર સામે કડક કાર્યવાહી થવી જોઈએ, સાચા જવાબદાર લોકોને પોલીસ પકડી રહી નથી તેવો રઘુ શર્માએ સરકાર પર આક્ષેપ કર્યો હતો.
પેપરકાંડ મુદ્દે કોંગ્રેસની કડક કાર્યવાહીની માગ
જ્યારે કોંગ્રેસ નેતા અર્જૂન મોઢવાડિયાએ ભાજપ સરકાર પર પ્રહાર કરતા જણાવ્યું હતું કે 20 વર્ષમાં 31 ભરતી કૌભાંડ થયા છે, ભાજપ સરકારમાં 21 વખત પેપર લીક થયા છે અને છેલ્લા પાંચ વર્ષમાં 10 પેપર ફુંટ્યા છે. પેપરકાંડ એક ઓર્ગેનાઈઝેશનની રીતે ચાલતું હોવાનું હોવાનો અર્જૂન મોઢવાડિયાએ આક્ષેપ લગાવ્યો હતો.
પેપરલીક કેસમાં વધુ 5 આરોપીની ધરપકડ
મહત્વનું છે કે અત્યાર સુધીમાં પેપરકાંડ મામલે પોલીસે 27 આરોપીઓની ધરપકડ કરી લીધી છે, જ્યારે પકડાયેલા 5 આરોપીઓને આજે સાંજે કોર્ટમાં રજૂ કરવામાં આવશે અને રિમાન્ડની માંગ કરાશે. અહીં ઉલ્લેખનિય કે અગાઉ પેપર લીક કૌભાંડમાં ઝડપાયેલા 12 આરોપીઓના રિમાન્ડ પુરા થતા પ્રાંતીજ કોર્ટમાં રજૂ કરવામાં આવનાર છે તેમજ આરોપીઓના વધુ રિમાન્ડની માંગ પણ કરાઈ શકે છે.
વિપક્ષ અસિત વોરાના રાજીનામાની કરી રહ્યું છે માંગ
મહત્વનું છે કે હેડક્લાર્ક પેપર લીક થયા બાદ કોંગ્રેસ કડક કાર્યવાહીની માંગ કરી રહ્યું છે કે જ્યારે AAP પાર્ટી પણ આ ઘટના માટે અસિત વોરા જવાબદાર છે અને તેમને પદેથી હટાવવામાં આવે તેવી માંગ કરવામાં આવી રહી છે. ખાસ કરીને AAPના અને વિદ્યાર્થી નેતા યુવરાજ સિંહ જાડેજાએ આ પેપર લીક મામલે પુરાવા રજૂ કર્યા બાદ તેમને આ GSSSBના ચેરમેન પદેથી હટાવવા માટે ભારે માંગ કરી રહ્યાં છે. ત્યાર બાદ AAPએ પણ ગાંધીનગર ખાતે ભારે ઘર્ષણની વચ્ચે વિરોધ પ્રદર્શન કર્યા હતા જ્યારે કોંગ્રેસ પણ બાઈક રેલી યોજી ઉગ્ર વિરોધ કર્યો હતો.