સર્વે / બાપ રે! 21 વર્ષ પહેલા જ ગુજરાતની 31 ટકા દિકરીઓને પરણાવી દેવામાં આવે છે, સર્વેના ખુલાસાથી મચ્યો હડકંપ

• ગુજરાતમાં મહિલાઓના લગ્નની સરેરાશ ઉંમર 22.8 વર્ષ
• 31%થી વધુ મહિલાના લગ્ન 21 વર્ષ પહેલા કરી દેવાય છે
• દેશમાં સરેરાશ 37 ટકાના લગ્ન 21 વર્ષ પહેલા કરાય છે.

ગુજરાતમાં મહિલાઓની લગ્નની સરેરાશ ઉંમર 22.8 વર્ષ છે

પરંતુ 31 ટકા એવી છે જેમનાં લગ્ન 21 વર્ષની ઉંમર પહેલા જ કરી દેવાય છે. તેમાં 18 વર્ષથી ઓછી ઉંમરના લગ્નનું પ્રમાણ 1.9% છે, જ્યારે 18થી 20 વર્ષના ગાળામાં 29.2% મહિલાના લગ્ન કરી દેવાય છે. દેશમાં સરેરાશ લગ્નની ઉંમર 22.1 વર્ષ છે અને 37 ટકાના લગ્ન 21 વર્ષ પહેલા કરાય છે.

લગ્ન કરવાની ઉંમર બાબતે પશ્ચિમ બંગાળની મહિલાઓની સ્થિતિ સૌથી ખરાબ

કેન્દ્ર સરકારે બહાર પાડેલા સેમ્પલ રજિસ્ટ્રેશન સિસ્ટમ સર્વે 2019ના આંકડાનો SBI રિસર્ચની ટીમે અભ્યાસ કર્યો છે. જેમાં લગ્ન કરવાની ઉંમર બાબતે પશ્ચિમ બંગાળની મહિલાઓની સ્થિતિ સૌથી ખરાબ હોવાનું સામે આવ્યું છે. અહીં 50 ટકાના લગ્ન 21 વર્ષ પહેલા જ કરી દેવાય છે. મધ્ય પ્રદેશ, રાજસ્થાન, બિહાર પણ એવા રાજ્યો છે જ્યાં કાયદાકીય ઉંમર પહેલા લગ્ન કરાવી દેવાય છે. નોંધનીય છે કે તાજેતરમાં જ કેન્દ્ર સરકારે મહિલાઓની લગ્નની ઉંમર 18 વર્ષથી વધારીને 21 વર્ષ કરવાનો નિર્ણય લીધો છે.

દેશમાં 37% મહિલાના લગ્ન 21 વર્ષ પહેલા કરી દેવાનું ચલણ

રાજ્ય        લગ્નની    મહિલાઓની લગ્ન સમયે ઉંમર
સરેરાશ      ઉંમર    18 વર્ષથી ઓછી    18થી 20 વર્ષ    21 વર્ષથી વધુ
ગુજરાત       22.8    1.90%                 29.20%        68.90%
પ. બંગાળ   21        3.70%                45.90%        50.40%
બિહાર        21.4     3.10%                37.10%        59.70%
મધ્ય પ્રદેશ   21.6     2.30%                41.20%        56.40%
રાજસ્થાન    22        3.40%                36.50%        60.10%
દેશ             22.1    2.40%                 34.60%        62.90%