કચ્છમાં ફરી ધરા ધ્રૂજી છે. કચ્છમાં આજે બે ભૂકંપના આંચકા અનુભવાયા છે. જેમાં પહેલા ભૂકંપની તીવ્રતા રિક્ટર સ્કેલ પર 3.1 નોંધાઇ છે. જ્યારે બીજા ભૂકંપની તીવ્રતા રિક્ટર સ્કેલ પર 4 નોંધાઇ છે. રાપર નજીકના બેલામાં અને ભચાઉ પાસે આંચકો નોંધાયો છે.
કચ્છમાં ભૂકંપના બે આંચકા અનુભવાયા
3.1 અને 4ની તીવ્રતનાના બે ભૂકંપના આંચકા
AP સેન્ટર ભચાઉ પાસે નોંધાયું
સૌરાષ્ટ્ર-કચ્છમાં કડકડતી ઠંડી વચ્ચે પણ ભૂકંપનો સિલસિલો યથાવત્ રહ્યો છે. સમયાંતરે નાના-મોટા ભૂકંપના આંચકા આવી રહ્યા છે. છેલ્લા કેટલાક દિવસોથી કોલ્ડવેવનો સામનો કરી રહેલા કચ્છ પંથકમાં આજે વહેલી સવારે 5:57 મિનિટે 3.1ની તીવ્રતાનો ભૂકંપ બેલા નજીક નોંધાયો હતો. ત્યારે હવે કચ્છમાં બીજો ભૂકંપનો આંચકો નોંધાતા સ્થાનિકોમાં ફફડાટ ફેલાયો છે. બીજો આંચકો રિક્ટર સ્કેલ પર 4ની તીવ્રતાનો નોંધાયો છે. ભૂકંપનું AP સેન્ટર ભચાઉ પાસે નોંધાયું છે.
રાહતના સમાચાર એ છે કે, આમાં કોઇ નુકસાનના સમાચાર નથી. છેલ્લા 2 મહિનામાં ગુજરાતમાં 70થી વધુ ભૂકંપના આંચકા અનુભવાયા છે. સિસ્મોલોજિસ્ટનું કહેવું છે કે, જ્યારે વધારે વરસાદ થાય છે તો હલકા ભૂકંપના આંચકા આવે છે.