બ્લેકમની / રાજકોટના RK ગ્રૂપ પર દરોડામાં બિનહિસાબી દસ્તાવેજ મળતા 100 કરોડનો આંકડો 300 કરોડ સુધી પહોંચ્યો

• છેલ્લા 4 દિવસથી રાજકોટ ઇન્કમટેક્ષનો સર્વે
• RK ગ્રુપ પર ઇન્કમટેક્ષના દરોડા
• 300 કરોડના બિનહિસાબી દસ્તાવેજો મળ્યા 

છેલ્લા 4 દિવસથી રાજકોટ શહેરમાં સૌરાષ્ટ્રના સૌથી મોટા ઇન્કમટેક્ષ વિભાગના દરોડાની કામગીરી ચાલી રહી છે. રાજકોટના જાણીતા RK ગ્રુપને ત્યાં ઇન્કમટેક્ષ વિભાગે દરોડાની કામગીરી કરી છે. ત્યારે RK બિલ્ડરના દરોડામાં અનેક ચોંકાવનારી હકીકત સામે આવી છે. જેમાં પ્રોપર્ટી ખરીદ વેચાણનું કાળું નાણું થેલા ભરી RK ગ્રુપના ઘરે કે ઓફિસ મોકલાતું હોવાની હકીકત સામે આવી છે. આ ઉપરાંત કાળાનાણાંના લાખો કરોડો રૂપિયાના વ્યવહાર ચિઠ્ઠીમાં સિંગલ કે ડબલ ડિજિટમાં બતાવવામાં આવતા હતા.

ગેરકાયદેસરના વ્યવહારો સામે ન આવે એ માટે ચિઠ્ઠીમાં નામ પણ ડમી રાખવામાં આવતા હતાં. હાલ તમામ મિલકતોની વેલ્યુએશન હાથ ધરવામાં આવ્યું છે. IT વિભાગ કરચોરી અંગે ટૂંક સમયમાં વિગતો બહાર પાડશે. આ કરચોરીનો આંકડો પણ વધવાની શક્યતા છે. હાલ સતત 4 દિવસથી ઇન્કમટેક્ષ દ્વારા સર્ચ ઓપરેશન ચાલી રહ્યું છે. જેમાં 50 ટકાથી વધુ જગ્યાએ સર્ચ ખતમ થઈ ગયું છે. તો રાત સુધીમાં આ કામગીરી પૂર્ણ થાય તેવી શક્યતા છે.

રાજકોટમાં RK ગ્રુપ પર ઇન્કમટેક્ષનો સર્વે

• પ્રથમ દિવસે 100 કરોડ રૂપિયાનો બિનહિસાબની માહિતી સામે આવી હતી
• ચાર દિવસ બાદ મોટાભાગે તપાસ પૂર્ણ
• ઓફિસ અને રહેણાંક સિવાય મોટાભાગે તપાસ પૂર્ણ
• તપાસમાં 300 કરોડના બિનહિસાબી દસ્તાવેજો મળ્યા 
• આવકવેરા વિભાગે કોથળા ભરીને સાહિત્ય કબ્જે કર્યું
• અનેક બેંકના ખાતા સીઝ કરવામાં આવ્યા
• વર્ષો બાદ આવકવેરા વિભાગની સૌથી મોટી કાર્યવાહી
• તબક્કાવાર બેંકના ખાતાની તપાસ હાથ ધરાશે
• સોનાના ઘરેણાં, બાંધકામ હેઠળની બિલ્ડીંગનું વેલ્યુએશન કરાશે 
• તમામ મિલકતોની વેલ્યુએશન હાથ ધરવામાં આવ્યું 
• ઇન્કમટેક્ષ વિભાગ કરચોરી અંગે ટૂંક સમયમાં વિગતો બહાર પાડશે 
• કરચોરીનો આંકડો પણ વધવાની શક્યતા