2013 ની સાલમાં એઈડ્સનો ભોગ બનેલી એક યુવતીમાં HIVના તમામ લક્ષણો અદ્રશ્ય થઈ જતા આ રોગથી પીડિત દર્દીઓ માટે મોટી આશા જાગી છે.
HIVની પીડિત લાખો દર્દીઓ માટે એક આશાનું કિરણ
આર્જન્ટિનાની 30 વર્ષની યુવતી એઈડ્સમાંથી સાજી થઈ
2013 માં એઈડ્સ થયો હતો
દવાઓ બંધ કરવા છતા પણ એઈડ્સનો લક્ષણો ન દેખાયા
અસુરક્ષિત સેક્સથી સર્જાતા એઈડ્સ રોગી માટે સારા સમાચાર છે. અસાધ્ય ગણાતો એઈડ્સનો રોગ હવે મટી પણ શકે છે તેવી એક બીજી ઘટના બની છે. HIVની પીડિત લાખો દર્દીઓ માટે એક આશાનું કિરણ જાગ્યું છે. સામાન્ય રીતે અસાધ્ય ગણાતા એઈડ્સ રોગ પણ હવે આપમેળે મટી જતો હોય છે તેવી એક દુનિયામાં બીજી ઘટના છે. એચઆઈવીથી પીડિત આર્જન્ટિનાની 30 વર્ષની યુવતીને આપમેળે આ રોગ મટી ગયો છે તેણે દવાઓ બંધ કરી હતી અને પછી તેનામાં કોઈ લક્ષણો જોવા મળ્યા નહોતા. સંશોધકોએ જણાવ્યું કે યુવતીમાં HIVના તમામ લક્ષણો દૂર થઈ ગયા છે. એઈડ્સની સામે કાયમી માટે લડનાર વિશ્વભરમાં બહુ થોડા લોકોમાં આ યુવતીનો પણ સમાવેશ થાય છે.
આવી રીતે થયો ચમત્કાર
આર્જન્ટિનાના Esperanza શહેરમાં રહેતી 30 વર્ષીય યુવતીમાં 2013 માં એઈડ્સના લક્ષણો જોવા મળ્યાં હતા. પીડિત મહિલાએ થોડો સમય તો દવાઓ ખાધી હતી અને એક દિવસ કંટાળીને તેણે નક્કી કર્યું કે હવે દવાઓ ખાવી નથી ભલેને ગમે તે થાય. આથી તેણે એઈડ્સની દવાઓ લેવાનું બંધ કરી દીધું અને ઝાઝો વખત વીતી ગયા છતાં પણ તેનામાં એઈડ્સના લક્ષણોએ દેખા દીધી નહોતી. સંશોધકોએ તેનું પરીક્ષણ પણ કર્યું અને પ્રમાણિત કરી દીધું કે મહિલામાં હવે એઆઈવી વાયરસ રહ્યો નથી. તેને આ રોગ સંપૂર્ણપણે મટી ગયો છે. સામાન્ય રીતે તો એક વાર જ્યારે દર્દી એઈડ્સની દવાઓ લેવાનું બંધ કરે છે ત્યારે એઈડ્સના લક્ષણો ફરી વાર દેખાતા હોય છે પરંતુ મહિલામાં આવું કંઈ ન થયું. એઆઈવી વાયરસ તેના ડીએનએમાં ફરી વાર આવ્યો નતો. આ ઘટનાથી સાબિત થયું છે કે ભવિષ્યમાં આ રોગ દવા વગર પણ મટી જશે. તેથી આ રોગથી પીડિત દર્દીઓ ડર રાખવાની જરુર નથી.
HIV દર્દીઓ માટે રાહતભરી ખબર
30 વર્ષીય યુવતીને એઈડ્સ મટી જવાની ખબર લાખો HIV દર્દીઓ માટે રાહતભરી ખબર છે. સામાન્ય રીતે એવું માનવામાં આવે છે કે એઈડ્સની કોઈ સારવાર નથી કે તે તેની કોઈ દવા નથી એક વાર જેને એઈડ્સ થાય તેની કાયમી માટે દવા લેવી પડે છે પરંતુ હવે આ ધારણા ખોટી પડી છે. HIV દર્દીઓને પણ એઈડ્સ મટી શકે છે. તે કેવી રીતે બન્યું તે એક રહસ્ય છે. ઓછામાં ઓછા બે અન્ય એચઆઈવી દર્દીઓ પણ સાજા માનવામાં આવ્યા છે, પરંતુ બંનેએ બ્લડ કેન્સરની વ્યાપક સારવાર લીધી હતી જેમાં સ્ટેમ સેલ ટ્રાન્સપ્લાન્ટ શામેલ હતા. સંશોધકોએ યુવાન માતાએ વાયરસને કેવી રીતે નાબૂદ કર્યો તે અંગે કોઈ જવાબ આપ્યો ન હતો, પરંતુ તેનું અસ્તિત્વ સૂચવે છે કે તે શક્ય છે.
યુવતીના પતિનું પણ એઇડ્સથી મોત થયું હતું
સંશોધકોએ જણાવ્યું હતું કે આર્જેન્ટિનાની મહિલા, જેનો પતિ જુલાઈ 2017માં એઇડ્સથી મૃત્યુ પામ્યો હતો, તે "બર્લિનના દર્દી" જેવી છે. ટિમોથી બ્રાઉન નામના આ વ્યક્તિએ લગભગ 15 વર્ષ પહેલાં તીવ્ર માયલોઇડ લ્યુકેમિયાની સારવાર માટે સ્ટેમ સેલ ટ્રાન્સપ્લાન્ટ કરાવ્યા બાદ એચઆઇવીનો સંભવિત નસબંધી નો ઇલાજ વિકસાવ્યો હતો.