સોશિયલ મીડિયા પ્લેટફોર્મ ફેસબુકે લોકોને મોટો ઝટકો આપ્યો છે. જેમા તેમણે કુલ 3.33 કરોડ એકાઉન્ટ સામે કાર્યવાહી કરી છે. સાથેજ 30 લાખ વોટ્સએપ એકાઉન્ટ પણ સ્પેન્ડ કરી દીધા છે.
કન્ટેન્ટને લઈને લોકો સામે કરી કાર્યવાહી
46 દિવસમાં 30 લાખ વોટ્સએપ એકાઉન્ટ સસ્પેન્ડ
કુલ 28 લાખ કરતા વધું કન્ટેન્ટ સામે કરી કાર્યવાહી
સોશિયલ મીડિયા જાયન્ટ ફેસબુકે પોતાનો ફોલોઅપ રિપોર્ટ જારી કરી દીધો છે, જેમાં કંપનીએ જણાવ્યું છે કે ભારતમાં ૧૬ જૂનથી ૩૧ જુલાઇ વચ્ચે ઉલ્લંઘનની શ્રેણીમાં ૩.૩૩ કરોડથી વધુ કન્ટેન્ટ પર કાર્યવાહી કરાઇ છે. ફેસબુકના ફોટો શેરિંગ પ્લેટફોર્મ ઇન્સ્ટાગ્રામે આ સમયગાળા દરમિયાન નવ કેટેગરીમાં ૨૮ લાખ કન્ટેન્ટ પર કાર્યવાહી કરી છે. કંપનીએ પોતાના રિપોર્ટમાં જણાવ્યું કે અમને ૧૬ જૂનથી ૩૧ જુલાઇ વચ્ચે ફેસબુક પર ૧૫૦૪ યુઝર્સ અને ઇન્સ્ટાગ્રામ પર ૨૬૫ યુઝર્સની ફરિયાદો મળી હતી, જેના પર અમે કાર્યવાહી કરી છે.
30 લાખ વોટ્સએપ એકાઉન્ટ સસ્પેન્ડ
રિપોર્ટમાં જણાવાયું છે કે ૪૬ દિવસના સમયગાળામાં કંપનીએ લગભગ ૩૦ લાખ વોટ્સએપ એકાઉન્ટ સસ્પેન્ડ કર્યાં છે. વોટ્સએપે પોતાના રિપોર્ટમાં જણાવ્યું છે કે આ દરમિયાન તેમને ૫૯૪ ફરિયાદો મળી હતી, જેના પર કંપનીએ કાર્યવાહી કરી છે તેમાંથી મોટા ભાગનાં એકાઉન્ટ ઓટોમેટિક કે બલ્ક મેસેજના લીધે સસ્પેન્ડ કરાયાં હતાં.
યુઝર્સની ફરિયાદને લઈને થઈ કાર્યવાહી
ફેસબુકના પ્રવક્તાએ કહ્યું કે છેલ્લાં કેટલાંક વર્ષમાં કંપનીએ યુઝર્સને ઓનલાઇન સેફ રાખવા માટે ટેક્નોલોજી, લોગો અને એક્ટિવટીઝમાં સતત ઇન્વેસ્ટમેન્ટ કર્યું છે. તેમને પોતાના પ્લેટફોર્મ પર વાત રજૂ કરવામાં સક્ષમ બનાવ્યા છે. આ રિપોર્ટમાં ઓટોમેટિક ડિવાઇસીઝનો ઉપયોગ કરવા માટે સતત હટાવાયેલા કન્ટેન્ટની ડિટેલ્સ અને યુઝર્સની ફરિયાદો સાથે તેમના પર કાર્યવાહીની જાણકારી આપી છે.