ખુલાસો / દુબઈથી રોજનું 30 કિલો MD ડ્રગ્સ આવતું' : ડ્રગ્સ રેકેટમાં અમદાવાદ ક્રાઈમ બ્રાન્ચે મુંબઈના 2 માસ્ટર માઈન્ડ ઝડપ્યા

• ડ્રગ્સનું રેકેટ ચલાવનારા મુંબઈના બે ની ધરપકડ 
• દુબઈથી રોજનો 30 કિલો મંગાવતા હતા 'માલ'  
• અલગ-અલગ રાજ્યોમાં સપ્લાઈ કરતા હતા ડ્રગ્સ 

દેશભર માં MD ડ્રગ્સનું રેકેટ ચલાવનાર મુંબઈ ના 2 માસ્ટર માઈન્ડ ની અમદાવાદ ક્રાઈમ બ્રાન્ચે ધરપકડ કરી છે..દુબઈ થી ડ્રગ મંગાવી ને અલગ અલગ રાજ્યોમાં સપ્લાય કરતા હોવાનું સામે આવ્યું છે..દુબઈથી રોજ 30 કિલો md આરોપીઓને મળતું હોવાનું સામે આવ્યું છે.મહત્વનું છે કે આ ગુનામાં અગાઉ 5 આરોપીઓની ધરપકડ કરી લેવામાં આવી છે.

ડ્રગ્સ મુદ્દે થયો ખુલાસો 

અમદાવાદ ક્રાઈમ બ્રાન્ચની ગિરફતમાં આવેલ આરોપીઓ પરવેઝ ખાન અને મોહમ્મદ આરીફ ભુજવાલા દેશના યુવાનોને બરબાદ કરવામાં લાગ્યા હતા પરંતુ ક્રાઈમ બ્રાન્ચે બન્નેના રેકેટનો પર્દાફાશ કરી ને ડ્રગ માફિયા કોણ છે તેનું નામ જાહેર કરી દીધું છે.ક્રાઈમ બ્રાન્ચે 2019 માં 1.46 કરોડનું ડ્રગ પકડેલ અને જેમાં કુલ 5 આરોપીઓની ધરપકડ કરી હતી તે મામલે આ બન્ને આરોપીઓ મુખ્ય હોવાનું સામે આવ્યું હતું અને જેમાં આ બન્નેની ધરપકડ કરી લેવામાં આવી છે

રોજનું 30 કિલો ડ્રગ્સ દુબઈથી 

મળતી માહિતી પ્રમાણે આ બંન્ને આરોપીઓ ને મુંબઈના સિકંદર નામનો આરોપી ડ્રગ પૂરું પાડતો હતો અને આ બન્ને દેશભરમાં md ડ્રગ નું સપ્લાય કરતા હોવાનું સામે આવ્યું છે.ક્રાઈમ ની તપાસમાં વધુ સામે આવ્યું છે કે સિકંદર ને દુબઈમાં બેઠા કૈલાશ રાજપૂત નામનો વ્યક્તિ આ ડ્રગ મોકલતો હતો. મહત્વનું છે કે રોજ 30 કિલો md આપતો હોવાનું સામે આવ્યું છે.
સવાલ એ ઉભો થાય છે કે આ લોકો આટલા વર્ષમાં ગુજરાતમાં કેટલા કરોડનું ડ્રગ સપ્લાય કરી ચુક્યા છે. અમદાવાદ અથવા ગુજરાત માં આ લોકોના અન્ય કેટલા સાગરીતો છે.તે તમામ સવાલોના જવાબ મેળવવા ક્રાઈમ બ્રાન્ચ તપાસ કરી રહી છે.