પારડી તાલુકાના કીકરલા ગામે ગણપતિ પંડાલમાથી 30 જુગારીઓ ઝડપાતા ચકચાર

વલસાડ: હાલમાં ગણપતિ ઊત્સવ ચાલી રહ્યો છે. રાજ્યમાં વિવિધ સ્થળે ગણપતિ દાદાની સ્થાપના કરવામાં આવી છે. ત્યારે વલસાડ જિલ્લાના પારડી તાલુકાના કીકરલા ગામમાં મોડી રાત્રે પોલીસે રેડ કરતા ગણપતિ પંડાલમાંથી અનેક જુગારીયાઓ ઝડપાતા સમગ્ર વિસ્તારમાં ચકચાર મચી ગઈ છે. પોલીસે 30 જુગારીયાઓને ઝડપી સળિયા પાછળ ધકેલી દીધા છે.

આ અંગે પ્રાપ્ત થતી વિગતોનુસાર પોલીસે જુગારીઓ પાસેથી 15 બાઈક એક કાર 70 હજારથી વધારે રોકડ રકમ  સહિત સાત લાખથી વધુનો મુદ્દામાલ કબજે કર્યો છે અને ઝડપાયેલા જુગારીયાઓ વિરુદ્ધ કાયદેસરની કાર્યવાહી હાથ ધરી છે. 

મહત્વપૂર્ણ છે કે છેલ્લા કેટલાક સમયથી  ધાર્મિક મહોત્સવના નામે કેટલાક દૂષણ પણ પ્રસરી રહ્યા છે. જેમાં ગણપતિ મહોત્સવ દરમ્યાન ગણપતિ પંડાલમાં જુગાર રમવાનું દુષણ અનેક જગ્યાએ ચાલે છે. ત્યારે પારડીનાં કીકરલા માં પણ પોલીસે કરેલી રેડ માં એક સાથે 30  જુગારીઓ ઝડપાતા સમગ્ર વિસ્તારમાં ચકચાર મચી ગઇ છે.