ધરપકડ / ભારતના જ આ રાજ્યમાં તિરંગો ફરકાવવા જતાં લોકોની ધરપકડ, ભાજપ નેતાઓ થયા લાલચોળ

• આંધ્રપ્રદેશમાં તિરંગો લહેરાવાને લઈ 3 યુવકોની ધરપકડ 
• હિંન્દુ વાહીનાના કાર્યકર્તાઓ જિન્ના ટાવર ધ્વજ ફરકાવાના હતા
• યુવકોની ધરપકડ બાદ સમગ્ર મામલે ઉઠ્યા ગંભીર સવાલ 

આંધ્રપ્રદેશ પોલીસનો એક વીડિયો સોશિયલ મીડિયા પર વાયરલ થયો છે. જેમા પોલીસ 3 યુવકોની ધરપકડ કરી રહી છે. જોકે આ વીડિયો વાયરલ થયા બાદ પોલીસ સામે ઘણા સવાલો ઉભા થઈ રહ્યા છે. કારણકે જે યુવકોની પોલીસ ધરપકડ કરી રહી છે તે યુવકો પ્રજાસત્તાક દિવસ નિમિત્તે ધ્વજ ફરકાવી રહ્યા હતા જેથી તેમની ધરપકડ કરવામાં આવી છે. 

Mr @ysjagan, entire Nation wants to Know from you whether Jinna Circle in Guntur of Andhra Pradesh is part of Republic of India or not? #RepublicDay pic.twitter.com/Ibx7Lz5CNz

— Sunil Deodhar (@Sunil_Deodhar) January 26, 2022

યુવકો તિરંગો લહેરાવાનો પ્રયાસ કરી રહ્યા હતા 

ઘટનાની વિસ્તાર પૂર્વક વાત કરવામાં આવે તો આ બનાવ સામે આવ્યો છે આંધ્રપ્રદેશના ગુંટૂર જિલ્લામાં. જ્યા જિન્ના ટાવર પર 3 યુવકો તિરંગો લહેરાવાનો પ્રયાસ કરી રહ્યા હતા. જેથી તેમની ધરપકડ કરવામાં આવી જેથી આ સમગ્ર મામલો હવે બરોબરનો ગરમાયો છે. 

Andhra Pradesh | Hindu Vahini activists tried to unfurl the national flag on Jinnah Tower in Guntur today

"Police have taken 15-20 activists into custody and shifted them to a local police station. They will be released later today," said Guntur Urban SP Arif Hafeez pic.twitter.com/HCC98PtgGU

— ANI (@ANI) January 26, 2022

પોલીસે વિરોધ કર્યો હતો

જે યુવકોની પોલીસે ધરપકડ કરી છે તેઓ હિન્દુ વાહિનીના કાર્યકર્તાઓ હોવાનું સામે આવ્યું છે. તેમણે 73માં ગણતંત્ર દિવસ પર ગૂંટૂર જિલ્લામાં આવેલ જિન્ના ટાવર પર ધ્વજ લહેરાવાનો પ્રયાસ કર્યો હતો જેથી તે સમયે ત્યા હાજર પોલીસ કર્મીઓ દ્વારા તેનો વિરોધ કરવામાં આવ્યો. તેમ છતા યુવકો ન માન્યા તો તેમની ધરપકડ કરી લેવામાં આવી હતી. 

અગાઉ જિન્ના ટાવરનું નામ બદલવા માગ કરાઈ હતી 

આ મામલે ભાજપ નેતાઓએ સોશિયલ મીડિયા પર આ ઘટના શેર કરીને આંધ્રપ્રદેશની સરકાર સામે નિશાન સાંધ્યું છે. થોડાક સમય પહેલાજ હિન્દુ સંગઠન દ્વારા જિન્ના ટાવરનું નામ બદલવા માટે માગ કરવામાં આવી હતી. સાથેજ એવી ધમકી પણ આપવામાં આવી હતી કે જો સરકાર તેમની માગ પર ધ્યાન નહી આપે તો ટાવરને તેઓ ધ્વસ્ત કરી નાખશે. જે મામલે અધિકારીઓ દ્વારા ટાવર પાસે  પોલીસનો ચુસ્ત બંદોબસ્ત ગોઠવી દેવામાં આવ્યો જેથી કોઈ ઘટના ન બને. 

શાંતી ભંગ કરવા બદલ ધરપકડ કરાઈ: પોલીસ

ઉલ્લેખનીય છે કે હિન્દુ વાહિની દ્વારા ગણતંત્ર દિવસને લઈને જિન્ના ટાવર પર ધ્વજ ફરકાવાને લઈને માગ કરવામાં આવી હતી સાથેજ ટાવરનું નામ બદલવા પણ માગ કરવામાં આવી હતી. પોલીસના કહેવા પ્રમાણે સંગઠન સાથે જોડાયેલા અમુક યુવકો ટાવર તરફ જઈ રહ્યા હતા જેમાથી ત્રણ યુવકોની ધરપકડ કરવામાં આવી. સાથેજ પોલીસે એવું પણ કહ્યું કે શાંતી ભંગ કરવાના ગુના બદલ આરોપીઓની સામે ગુનો દાખલ કરવામાં આવ્યો છે.