ટેક્નોલોજી / રમતા-રમતા દીકરાએ નાંખ્યો ખોટો પાસવર્ડ ને 48 વર્ષ માટે આઇપેડ થઈ ગયું Lock

 

એ જાણીને તમને કદાચ વિશ્વાસ નહીં આવે, પરંતુ પત્રકાર ઇવાનના ત્રણ વર્ષના બાળકે વારંવાર ખોટો પાસવર્ડ ફીડ કરવાના કારણે ડિવાઇસ કેટલાંય વર્ષો માટે લોક થઇ ગયું છે. ઈવાને આ તસવીર પોસ્ટ કરવાની સાથે-સાથે પોતાના ૮૫ હજાર ફોલોઅર્સને પૂછ્યું છે કે આ ડિવાઇસને અનલોક કઇ રીતે કરી શકાય? ઈવાનનાં ટ્વિટર ફોલોઅર્સે તેના જવાબમાં જ્ઞાનનો જાણે વરસાદ વરસાવ્યો છે. એ યુઝરે લખ્યું છે કે હવે પછી બાળકને પાસવર્ડ આપી દો.
 

એક અન્ય યુઝરે લખ્યું છે કે હું તો આ માટે વર્ષો સુધી રાહ જોઇશ. એક અન્ય યુઝરે ટ્વિટર પર મજાકમાં લખ્યું છે કે હવે તો માત્ર ટાઇમ ટ્રાવેલ જ તમને મદદ કરી શકે. એક યુઝરે પોતાના મિત્રને એવા મેસેજ સાથે પોસ્ટ કરી છે કે તેનો દાવો છે કે તેઓ એપલ દ્વારા સર્ટિફાઇડ એક્સપર્ટ છે. યુવાનને પોસ્ટ કરવામાં આવેલી વાતચીતમાં એપલના નિષ્ણાતે લખ્યું છે કે હવે તેઓ ક્યારેય ફરી વખત આ ડિવાઇસનો ઉપયોગ કરી શકશે નહીં. એપલે આ અંગે સ્પષ્ટતા કરતાં જણાવ્યું કે જ્યારે કોઇ યુઝર વારંવાર ખોટો પાસવર્ડ ફીડ કરે છે તો ડિવાઇસ લોક થઇ જાય છે અને એક મેસેજ આવે છે કે ડિવાઇસ ડિસેબલ થઇ ગઇ છે, જોકે કંપનીની ગાઇડલાઇન એવું જણાવે છે કે જો તેમાં બેકપ લેવામાં આવ્યું ન હોય તો ડિવાઇસના ડેટાને ડિલીટ કરી નાખવામાં આવે.