IPLIN
 
  • Home
  • India
  • 3 terrorists gunned down in shopian amshipora in jammu and kashmir

સેનાની કાર્યવાહી / કાશ્મીરમાં 24 કલાકની અંદર આતંકીઓ પર બીજી વખત એકશન, શોપિયામાં ત્રણ આતંકી ઠાર

Team VTV 08:28 AM, 18 Jul 20
Follow us
3 terrorists gunned down in shopian amshipora in jammu and kashmir

જમ્મૂ-કાશ્મીરના શોપિયામાં શનિવારે સવારે સુરક્ષા બળો અને આતંકીઓ વચ્ચે બીજી વખત અથડામણ જોવા મળી છે. આ દરમિયાન સુરક્ષા બળોએ ત્રણ આતંકીઓને ઠાર માર્યા છે. કાશ્મીર ઘાટીમાં છેલ્લા 24 કલાકમાં આ બીજી અથડામણ છે. આ પ્રમાણે છેલ્લા 24 કલાકમાં કાશ્મીર ઘાટીમાં 6 આતંકીઓનો સફાયો થઇ ગયો છે. 

એક અધિકારીના જણાવ્યાં મુજબ સુરક્ષા બળોએ આ વિસ્તારમાં આતંકીઓ છુપાયા હોવાની ગુપ્ત માહિતી મળી, જેને લઇને પોલીસ, સેના અને CRPFની સંયુક્ત ટીમે આ વિસ્તારને ઘેરી લીધું અને સર્ચ ઓપરેશન શરૂ કર્યું. આ દરમિયાન આતંકીઓએ સુરક્ષા બળોની ટીમ પર ફાયરિંગ શરૂ કરી દીધું. ત્યારબાદ સુરક્ષા બળોએ જવાબી કાર્યવાહી કરતાં ત્રણ આતંકીઓનો સફાયો કરી દીધો.
 


આ પહેલા શુક્રવારના રોજ કુલગામમાં સુરક્ષા બળોને જૈશ-એ-મોહમ્મદના ત્રણ આતંકીઓને ઠાર મારવામાં સફળતા મળી હતી. કાશ્મીર ઘાટીમાં સુરક્ષા બળો અને આતંકીઓ વચ્ચે અથડામણ એ સમય જોવા મળી જ્યારે રક્ષા મંત્રી રાજનાથ સિંહ જમ્મૂ-કાશ્મીરના બે દિવસની મુલાકાતે પહોંચ્યાં છે. 

આ પહેલા ગુરુવારના રોજ કુપવાડામાં સેનાએ લાઇન ઓફ કંટ્રોલ (LoC)ની પાસે ઘુસણખોરી કરી રહેલા આતંકીઓના પ્રયત્નને નિષ્ફલ  બનાવી દીધો હતો. આ દરમિયાન સુરક્ષા દળોએ આતંકીઓને ઠાર માર્યા હતા. 

Jammu and Kashmir Terrorist attack indian army જમ્મૂ અને કાશ્મીર ભારતીય સેના આતંકી
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ