લૉકડાઉનમાં છૂટછાટ બાદ અમદાવાદમાં કોરોના ફેલાઇ રહ્યો છે. કોરોના વૉરિયર્સ પણ આ વાયરસની ઝપેટમાં આવી રહ્યા છે ત્યારે આજે અમદાવાદના 3 પોલીસ કર્મચારીઓનો કોરોના રિપોર્ટ પોઝિટિવ આવ્યો છે. જ્યારે LG હોસ્પિટલમાં સારવાર લઇ રહેલી 12 જેટલી સગર્ભા મહિલાઓ પણ કોરોનાની ઝપેટમાં આવી છે.
લૉકડાઉનમાં છૂટછાટ બાદ અમદાવાદમાં કોરોના ફેલાયો
અમદાવાદના વધુ 3 પોલીસ કર્મચારીઓને કોરોના
17માંથી 12 સગર્ભા મહિલાઓ કોરોનાની ઝપેટમાં
અમદાવાદ શહેરના 11 કન્ટેનમેન્ટ વોર્ડની યાદીમાં પશ્ચિમનો એક જ વિસ્તાર ગુલબાઈ ટેકરાનો આ ઝોનમાં સમાવેશ કરવામાં આવ્યો છે. આ સિવાયના પશ્ચિમ વિસ્તારના તમામ વિસ્તાર નોન કન્ટેનમેન્ટ ઝોનમાં છે. કન્ટેનમેન્ટ ઝોનમાં આર્મી જવાનો ફરજ બજાવે છે. જ્યારે પૂર્વ અમદાવાદના 10 વિસ્તારને કન્ટેનમેન્ટ જાહેર કરાયા છે. ત્યારે આ સમગ્ર અમદાવાદમાં પોલીસ કર્મચારીઓ ફરજ બજાવી રહ્યા છે. તેવામાં આ કર્મીઓ પણ કોરોનાની ઝપેટમાં આવી રહ્યા છે. તો કેટલીક સગર્ભા મહિલાઓના રિપોર્ટ પણ પોઝિટિવ આવ્યા છે.
અમદાવાદની LG હોસ્પિટલમાં 12 સગર્ભાઓને કોરોના
અમદાવાદમાં લૉકડોઉનમાં છૂટછાટ બાદ કોરોના સક્રિય થાય તેવો ભય સેવાય રહ્યો છે. યોગ્ય કાળજી રાખવામાં નહીં આવે તો વુહાન બનતા વાર લાગશે નહીં. અમદાવાદની LG હોસ્પિટલમાં 12 સગર્ભાઓને કોરોના થયો છે. તેમજ તેમની સારવાર માટે આવેલા 17 લોકોને પણ કોરોના થયો છે. 17માંથી 12 સગર્ભા મહિલાઓ કોરોનાની ઝપેટમાં આવી ગઇ છે. આ સગર્ભાઓને SVP ખાતે સારવાર માટે ખસેડાવામાં આવી છે.
અમદાવાદના વધુ 3 પોલીસ કર્મચારીઓને કોરોના
અમદાવાદમાં વધુ 3 પોલીસકર્મીઓને કોરોના વાયરસનું સંક્રમણ થયું છે. અમદાવાદના પાલડી પોલીસ સ્ટેશનના PSI કે.ઓ.રબારી સહિત 2 કર્મીને પોઝિટિવને કોરોના પોઝિટિવ આવ્યો છે. જેને લઇને આ ત્રણેય પોલીસ કર્મીઓને સારવાર અર્થે હોસ્પિટલ ખસેડાયા છે. જ્યારે અન્ય પોલીસકર્મીઓ સેલ્ફ ક્વોરોન્ટાઇન થયા છે.