ઇડરના મુડેટીમાં બાળક બહાર રમી રહ્યો હતો એ દરમિયાન પતંગ લુંટવા જતા, તે અવાવરું કૂવામાં પડી ગયો હતો. કૂવામાં પડી ગયેલા 15 વર્ષીય તરુણનું ઘટના સ્થળે જ મોત નીપજ્યું
ઈડરના મુડેટીમાં કૂવામાં પડતા બાળકનું મોત
પતંગ લુંટની મજા માણતા બાળક થયો બેધ્યાન
ઉત્તરાયણમાં માતા-પિતાઓ માટે 'લાલબત્તી'ની ઘટના
ઉત્તર ગુજરાતના ઈડરના મુડેટી ગામે માતા-પિતા માટે ચેતવણીરૂપ કિસ્સો બન્યો છે. બાળક બહાર રમે છે,પતંગ ઉડાવે છે તેવી ગણતરીમાં વાલીઓ બાળક શું કરી રહ્યો છે તેના પર ધ્ગાય્ન રાખતા નથી પરિણામે એવી ઘટના બને છે કે, જિંદગીભરનો અફસોસ રહી જાય. આવી જ એક ઘટના મુડેટીમાં બની. બાળક બહાર રમી રહ્યો હતો એ દરમિયાન પતંગ લુંટવા જતા, તે અવાવરું કૂવામાં પડી ગયો હતો. કૂવામાં પડી ગયેલા 15 વર્ષીય તરુણનું ઘટના સ્થળે જ મોત નીપજ્યું હતું.
મકર સંક્રાંતિના તહેવારોમાં બાળકો બહાર શું કરી રહ્યા છે તેનું વાલીઓએ સુપેરે ધ્યાન રાખવું જોઈએ,ઉપરાંત પતંગ ઉડાવા ધાબે ગયેલા બાળકો સાથે કોઈ વડીલે પણ સાથે રહેવું હિતાવહ છે. બાળકની કે વાલીની સહેજ બેદરકારી, ગંભીર ક્ષતિમાં પરિણમી શકે છે.
ભરૂચની ઘટના
ભરૂચમાં પતંગની દોરીથી ગળા કપાવવાની અલગ-અલગ ઘટનામાં 3 લોકોના મોત નિપજ્યા છે તો આજે ભરૂચમાં પતંગની દોરીથી ગળું કપાવાની બીજી ઘટના સામે આવી છે. શહેરના ભોલાવના મૈત્રીનગર વિસ્તારમાં એક વ્યક્તિને પતંગની દોરી વાગતા ગળું કપાયુ હતુ. ગળા પર ગંભીર ઈજાને પગલે ઈજાગ્રસ્તને સારવાર માટે ભરૂચ સિવિલમાં ખસેડવામાં આવ્યો હતો
પતંગની દોરીથી ગળા કપાયાની ઘટના બાદ ભરૂચ પોલીસે, પતંગની દોરી સામે સુરક્ષા કરવા માટે સેફટી ગાર્ડ અંગે જાગ્રૂતી અભિયાન શરુ કર્યું છે.જે અંતર્ગત સેફટી ગાર્ડ લગાવાની આપી સમજ આપી હતી. સાથોસાથ નાગરિકોને આ અંગે અપીલ પણ કરી છે
ચાઇનીઝ દોરીનો જથ્થો ઝડપાયો
પાટણના રાધનપુરમાંથી ચાઈનીઝ દોરીનો જથ્થો ઝડપાતા ચકચાર મચી છે.રાજ્યમાં ચાઇનીઝ દોરી પર પ્રતિબંધ છે ત્યારે અમદાવાદથી રાધનપુરમાં ચાઇનીઝ દોરીનું પાર્સલ આવ્યું હતું. પોલીસે કાર્યવાહી કરતા ચાઇનીઝ દોરી મંગાવનાર શખ્સને ઝડપી લીધો હતો . તો વડોદરામાં પણ ચાઈનીઝ દોરાની રીલ ઝડપાઈ છે. તરસાલી ગુરુદ્વારા પાસેના ગ્રાઉન્ડમાં થતું હતું વેચાણ થતું હતું ત્યારે PCBનું ચેકિંગ હાથ ધરાતા 214 જેટલી રીલ ઝડપાઈ છે.
ભરૂચમાં મહિલાની જીવાદોરી તૂટી
રાજ્યમાં ઉતરાયણ તહેવારો નજીક આવતા જ સપ્તાહ પૂર્વથી પતંગ રસિયાઓ પતંગ ઉડાવતા શરુ થઇ જાય છે. તો રાહદારીઓ અને વાહન ચાલકો પણ વધુ સતર્ક બને છે. કેટલાક સંજોગોમાં નાગરિક સતર્કતા ચુકી જાય તો અકસ્માતની ઘટના ઘટે છે. આવી જ ઘટના ભરૂચમાં બની છે. ભરૂચના ભોલાવ બ્રીજ પર બાળકી સાથે પસાર થઇ રહેલી મહિલાના ગાળામાં દોરી ભરાઈ જતા ગંભીર ઈજાઓ પહોચી હતી. જો કે સારવાર દરમિયાન મહિલાનું મોત નીપજ્યું હતું. ઘટનાની જાણ થતા જ પોલીસ કાફલો ઘટના સ્થળે ધસી ગયો હતો
ચાઇનીઝ દોરી પર છે પ્રતિબંધ
રાજ્યમાં મકર સંક્રાંતિ આવતા જ ચાઇનીઝ દોરીનું વેચાણ ચોરી છૂપે શરુ થઇ જાય છે. જો કે રાજ્યમાં સતાવાર રીતે ચાઇનીઝ દોરી અને તુક્કલ પર પ્રતિબંધ છે. આવા સંજોગોમાં નાણા શહેર હોય કે મહાનગર, વાહન ચાલકોએ પોતાના વાહનોમાં સુરક્ષા ગાર્ડ લગાવવું આવશ્યક બની જાય છે. સંભવત; ભરૂચમાં ઘટેલી ઘટનામાં આવું સુરક્ષા ગાર્ડ નહિ હોય,આ વચ્ચે નાગરીકો અત્યારથી જ સતર્કતા કેળવે તો,આવી આકસ્મિક ઘટનાઓ નિવારી શકાય.