SHORT & SIMPLE / જેતપુરના ઉપલેટામાં જૂથ અથડામણ: 5થી 6 શખ્સોએ ફાયરિંગ કરતા 3ને ગંભીર ઇજા, મોટી સંખ્યામાં પોલીસ કાફલો તૈનાત

• જેતપુરના ઉપલેટામાં ફાયરિંગની ઘટના
• કારમાં આવેલ 5થી 6 શખ્સોએ કર્યું ફાયરિંગ
• ફાયરિંગની ઘટનામાં 3 લોકોને પહોંચી ગંભીર ઇજા 

જેતપુરના ઉપલેટામાં ફાયરિંગની ઘટના સામે આવી છે. મળતી મહિતી અનુસાર, ઉપલેટાના પંચા હાટડી ચોકમાં જૂથ અથડામણમાં ગઈકાલે રાત્રે ફાયરિંગ કરવામાં આવ્યું હતું. પંચા હાટડી ચોકમાં એક કારમાં 5થી 6 શખ્સો આવ્યા હતા અને ફાયરિંગ કરવા લાગ્યા હતા. જે બાદ ઘટનાસ્થળે ભાગદોડ મચી જવા પામી હતી. 

પોલીસે ગોઠવી દીધો ચુસ્ત બંદોબસ્ત
આ અંગેની જાણ થતાં જ ઉચ્ચ પોલીસ અધિકારીઓનો કાફલો ઘટના સ્થળે દોડી આવ્યો હતો. આ ફાયરિંગની ઘટનામાં 3 લોકો ગંભીર રીતે ઈજાગ્રસ્ત થયા છે. જેઓને સારવાર અર્થે ખાનગી હોસ્પિટલમાં ખસેડવામાં આવ્યા છે. હાલ પંચા હાટડી ચોકમાં પોલીસનો ચુસ્ત બંદોબસ્ત ગોઠવી દેવામાં આવ્યો છે. આ ઉપરાંત હુમલાખોરોને ઝડપી પાડવા માટે પોલીસે ચક્રોગતિમાન કર્યા છે. પોલીસની પ્રાથમિક તપાસમાં અંગત અદાવતમાં ફાયરિંગ કરવામાં આવ્યું હોવાનું સામે આવ્યું છે. હાલ પોલીસે આ મામલે વધુ તપાસ હાથ ધરી છે.