શેર બજાર / કારોબારી સપ્તાહના પ્રથમ દિવસે ભારતીય શેર બજારમાં જોવા મળી નરમાઈ, સેન્સેક્સ 57,400 પર ખૂલ્યો

• ભારતીય શેર બજાર આજે સપાટ ખુલ્યું
• એશીયાઇ બજારોમાં મિશ્ર પ્રતિશાદ મળ્યા
• નિફ્ટી થોડા વધારા સાથે લીલા નિશાને ખુલ્યું

આજે શેર બજાર શરૂઆતી થોડા વધારા સાથે કારોબારની શરૂઆત કરી. બજાર ખુલતા પહેલા એશિયાઈ બજારોમાંથી મિશ્ર સંકેતો આવી રહ્યા હતા, જેને ભારતીય શેર બજારને કોઈ ખાસ સપોર્ટ મળ્યો નથી. બજારમાં આજે નિફ્ટીની લગભગ સપાટ શરૂઆત જોવા મળી છે. આજના પ્રિ-ઓપનમાં લગભગ 60 ટકા શેર ગ્રીન ઝોનમાં સ્થિર જોવા મળ્યા હતા, જેના આધારે આજે સ્થાનિક શેરબજારની શરૂઆત તેજી સાથે થશે તેવું સ્પષ્ટ થયું હતું. બેન્ક, આઈટી અને મેટલ શેરોમાં દબાણ જોવામાં આવી રહ્યું છે.

બજારના હાલચાલ
શેરબજારમાં આજે મિશ્ર શરૂઆત થઇ છે અને સેન્સેક્સ લાલ નિશાનમાં ખૂલ્યો છે અને નિફ્ટી થોડા વધારા સાથે લીલા નિશાનમાં ખુલી છે. બજારની સપાટ શરૂઆતે બીએસઈના 30 શેરો વાળા પ્રમુખ ઈન્ડેક્સ સેન્સેક્સ 23 અંક એટલે કે 0.40 ટકાના ઘટાડાની સાથે 57403 પર ખુલ્યા છે. એનએસઈના 50 શેરો વાળા પ્રમુખ ઈન્ડેક્સ નિફ્ટી 8 અંકના વધારાની સાથે 17102 ના સ્તર પર ખુલવામાં સફળ થયા છે.

ક્યાં સેક્ટરમાં કેટલી તેજી-મંદી
બેન્ક નિફ્ટીમાં આજે ત્રિમાસિક ગાળાનો ઘટાડો જોવા મળી રહ્યો છે. આઈટી ઈન્ડેક્સમાં પણ લગભગ 0.4 ટકાના ઘટાડા સાથે કારોબાર થઈ રહ્યો છે. આંતરરાષ્ટ્રીય બજારના સંકેતોથી મેટલ શેરો પ્રભાવિત થાય છે અને આ લાલ નિશાનમાં પણ દેખાય છે. આજે મીડિયા, ફાર્મા, રિયલ્ટી, હેલ્થકેર અને ઓઇલ એન્ડ ગેસ સેક્ટરના શેર વધારા સાથે કારોબાર કરી રહ્યા છે.

આ શેરોમાં તેજી જોવા મળી
ઓએનજીસી 5.28 ટકા, એનટીપીસી 2.04 ટકા, અપોલો હોસ્પિટલ 1.86 ટકા, કોલ ઇન્ડિયા 1.60 ટકા અને બીપીસીએલ 1.35 ટકા ટ્રેડ કરી રહ્યા છે. આ સિવાય ડિવિઝ લેબ, સિપ્લા, રિલાયન્સ ઇન્ડસ્ટ્રીઝ, યુપીએલ અને સન ફાર્માના શેરમાં પણ તેજી સાથેનો કારોબાર થઈ રહ્યો છે.

ઘટાડા સાથે ટ્રેડ કરતા શેરો
આજે દિગ્ગજ શેરોમાં હિંડાલ્કો, ટાઈટન, જેએસડબ્લ્યુ સ્ટીલ, મારૂતિ, અદાણી એન્ટરપ્રાઈઝિસ 2.78-1.31 ટકા સુધી ઘટીને કારોબાર કરી રહ્યા છે. ઈન્ડસઈન્ડ બેન્ક પણ 1 ટકા નીચે છે.