ભારતીય ટીમમાં ત્રણ મોટાં ફેરફાર કરવામાં આવ્યા છે. હુડા, બિશ્નોઈ અને પંતની ટીમમાં એન્ટ્રી થઈ છે. દિનેશ કાર્તિકની જગ્યાએ રિષભ પંત લેફટી બેટ્સમેન તરીકે રમશે.
આજે એશિયા કપમાં ટકરાશે ભારત પાકિસ્તાન
અગાઉ ગ્રુપ મેચમાં પાકિસ્તાનને હરાવી ચૂક્યું છે ભારત
પાકિસ્તાન પણ હોંગકૉંગને 155 રનથી હરાવ્યા બાદ ફોર્મમાં
આજે ફરી ભારતીય ક્રિકેટ ફેન્સ માટે મૌકા મૌકાનો દિવસ આવી ગયો છે. આજે ટીમ ઈન્ડિયા પાકિસ્તાનને હરાવવા અને એશિયા કપની ફાઇનલમાં એન્ટ્રી મેળવવાનાં ઇરાદે રમશે.
ટીમમાં ત્રણ મોટાં ફેરફાર
આજે એશિયા કપની સુપર 4 મેચમાં ભારત અને પાકિસ્તાન અમને સામને છે. પાકિસ્તાને ટોસ જીતીને ભારતીય ટીમને પહેલા બેટિંગ કરવા આમંત્રણ આપ્યું છે. ભારતીય ટીમમાં ત્રણ મોટાં ફેરફાર કરવામાં આવ્યા છે. હુડા, બિશ્નોઈ અને પંતની ટીમમાં એન્ટ્રી થઈ છે. દિનેશ કાર્તિકની જગ્યાએ રિષભ પંત લેફટી બેટ્સમેન તરીકે રમશે. રવીન્દ્ર જાડેજાની જગ્યાએ હુડા ઓલરાઉન્ડર તરીકે રમશે. અને આવેશ ખાનની જગ્યાએ સ્પિનર રવિ બિશ્નોઈ રમશે.
અગાઉ રમાયેલી મેચમાં હાર્દિક પંડયા અને રવીન્દ્ર જાડેજાની જોડીએ રોમાંચક મેચમાં ભારતને છેલ્લી ઓવરમાં વિજય અપાવ્યો હતો. આજે પણ મેચ ભારે રોમાંચક થાય એવી શક્યતા છે. આજે જો કે રવીન્દ્ર જડેજા નહીં રમી શકે કારણ કે તે ઘૂંટણની ઇજાથી પીડાય છે અને સર્જરી કરવાની સલાહ ડોક્ટર્સ દ્વારા આપવામાં આવી છે.
જડ્ડુ નહીં રમી શકે
તમને જણાવી દઈએ કે આ મેચ પહેલાટીમ ઈન્ડિયાના સ્ટાર ખેલાડી રવીન્દ્ર જાડેજા ઇજાગ્રસ્ત થયા છે અને એટલા માટ તેઓ મેચનો ભાગ નહીં બની શકે.
આજે ટીમ ઈન્ડિયા અને પાકિસ્તાન ફરી એક વખત ક્રિકેટના મેદાન પર ઉતરશે અને બંને વચ્ચેની ટક્કર જોવા માટે ફેન્સ ઘણા ઉત્સુક છે. ટીમ ઈન્ડિયા ગત મેચની જેમ પાકિસ્તાનને માત આપવાની ઈચ્છા રાખીને મેદાનમાં ઉતરશે.