દ્વારકાઃ દેવભૂમિ દ્વારકાના સલાયા બંદરના સમુદ્રમાં ફસાયેલા 23માંથી 3 ખલાસીઓ મળી આવ્યા છે. યમનના સીકોતર બંદરના જંગલમાંથી 3 ખલાસીઓ મળી આવ્યા છે. યમનના સીકોતર બંદર પાસેના જંગલમાંથી 22 વર્ષીય યુવકનો મૃતદેહ મળી આવ્યો છે. જોકે હજી સુધી 19 ખલાસીઓનો સંપર્ક થયો નથી. મહત્વનુ છે કે વાવાઝોડાના કારણે વહાણોના સીકોતર બંદર કિનારે રખાયા હતા. ત્યાર બાદથી ખલાસીઓનો સંપર્ક થયો નથી.
મેકુનું નામના વાવાઝોડાએ યમનમા તબાહી મચાવી છે. ત્યારે હવે આ વાવઝોડુ ઓમાન પાસે છે. ઓમાનના તલાલા બંદરની પણ જળ સમાધિ થઈ છે. અને અલ સાબિર અને અલ યુસુફ નામના જહાજોની જળ સમાધિ થઈ છે. આ વાવઝોડુ ઓમાનમાં આવે તે પહેલા સરકાર દ્વારા સાવચેતીના ભાગરૂપે દરિયો ન ખેડવા માટે સૂચના આપવામાં આવી હતી. અને સરકાર દ્વારા ખલાસીઓને સલામત સ્થળે ખસેડવામાં આવ્યા હતા. વવાજોડાના કારણે શહેરની અંદર દરિયાનુ પાણી ફરી વળ્યું છે. અને શહેરના મોલમા પણ દરિયાઈ જીવતી માછલીઓ ઘૂસી હતી.
ઓમાનમાં હાલ તારાજી સર્જાઇ છે. મેકુનુ નામના વાવાઝોડાની ઝપટે ઓમાનના બે શહેરો આવ્યા. અને પછી બરબાદીના એવા દ્રશ્યો સર્જાયા જેની કોઇને પણ કલ્પના ન હતી. ઓમાનના બે શહેરો મસ્કત અને સલાલાહ જે સમૃદ્ધીની ઓળખ હતા તે શહેરો હવે વિનાશનો પર્યાય બની ગયા છે.
તબાહીના આ દ્રશ્યો ઓમાનના છે. કુદરતે એવો કહેર વર્તાવ્યો જેની ઓમાનના લોકોને જરા પણ કલ્પના પણ ન હતી. એક એવી તબાહી જેણે અડધી રાત્રે દસ્તક દીધી. અને હજ્જારો લોકોના જીવનમાં તોફાન માચાવી દિધો.
કુદરત પણ કોનું અંકુશ ?
કુદરતના આ પ્રકોપને હવામાન વિભાગે મેકુનુ નામ આપ્યું છે. મેકુલ વાવાઝોડુ જે અરબ સાગરમાંથી ઉઠ્યું અને ઓમાન તરફ ધસવા લાગ્યું. ઓમાનના હવામાન વિભાગને પણ આફતના એંધાણ હતા. એટલે એલર્ટ જાહેર કર્યું હતું. પરંતુ કુદરત પણ કોનું અંકુશ ?
170 કિલોમીટર પ્રતિ કલાકની ઝડપે પવન ફુંકાયો
શુક્રવારે ત્રાટકેલા મેકુનુ વાવાઝોડાએ ઓમાનના બે શહેર સલાલાહ અને મસ્કતે ઝપેટમાં લીધા. 170 કિલોમીટર પ્રતિ કલાકની ઝડપે પવન ફુંકાયો. અને સાથે જ શરૂ થયો તોફાની વરસાદ. એટલે મેકુનુ વાવાઝોડાના રસ્તામાં જે આવ્યું તે રમકડાની જેમ ઉડવા લાગ્યું. અને તેના પુરાવા રૂપે છે આ દ્રશ્યો.
સરેરાશ વરસાદ કરતા બમણો
વાવાઝોડા સાથે વરસેલા વરસાદની માઠી અસર ઓમાનના સલાલાહ શહેર પર પડી. ઓમાનના આ વિસ્તારમાં ક્યારેય વધારે વરસાદ થતો નથી. પરંતુ વાવાઝોડાના કારણે 20 સેન્ટિમીટર જેટલો વરસાદ થયો. જે સલાલાહના સરેરાશ વરસાદ કરતા બમણો હતો. એટલે સલાલાહ શહેરમાં ઠેર ઠેર પાણી ભરાઇ ગયા.
પૂરનું પાણી કાળ બનીને ચોતરફ
અણધારી આફતે વાહનચાલકોને ઘણા મુશ્કેલીમાં મુકી દિધા. રસ્તા પર પાણી ભરાઇ જવાના કારણે વાહનો બંધ પડી ગયા. ત્યારે દિલધડક દ્રશ્યો કેમેરામાં કેદ થયા છે. પૂરનું પાણી કાળ બનીને ચોતરફ ફેલાવવા લાગ્યું હતું. ત્યારે એક કારચાલકને બચાવવા માટે એક શખ્સ પોતાના જીવના જોખમે પાણીના ધસમસતા પ્રવાહમાં કુદી પડ્યો. આવા જ દ્રશ્યો અન્ય એક સ્થળે પણ જોવા મળ્યા.
ઓમાન પર આવેલી આફત હજુ પણ ઓછી નથી થઇ. હજુ પણ કેટલાક વિસ્તારોમાં પાણી ભરાઇ રહ્યા છે. એટલે ઓમાન સરકાર તમામ પરિસ્થિતિને પહોંચી વળવા તંત્રને કામે લગાવ્યું છે.