વિરોધ / ખેડૂતો બાદ દેશભરના ડૉક્ટર્સ મોદી સરકારની મુશ્કેલી વધારશે, આવતીકાલે 3 લાખ ડૉકટર્સની હડતાળ

• આવતીકાલે દેશભરના 3 લાખ ડોકટર્સની હડતાળ
• ગુજરાતના 28 હજાર ડોક્ટરો પણ હડતાળમાં જોડાશે
• 11 ડિસેમ્બરના ઇમરજન્સી-કોવિડ ડ્યૂટી સિવાયના OPD બંધ

ઉલ્લેખનીય છે કે, આયુર્વેદિક તબીબને સર્જરીની મંજૂરી આપવામાં આવતા સરકારના નિર્ણયનો ઇન્ડિયન મેડિકલ અસોસિએશન દ્વારા વિરોધ કરવામાં આવ્યો છે અને આ વિરોધ અંતર્ગત આવતીકાલે  મેડિકલ સેવા બંધનું એલાન આપવામાં આવ્યું છે. 

દેશભરના 3 લાખ ડોક્ટર જોડાશે હડતાળમાં 

આપને જણાવી દઇએ કે, આવતીકાલે ભારતભરના 3 લાખ ડોકટર્સ હડતાળ પાડવાના છે. જેમાં ગુજરાતના 28 હજાર અને અમદાવાદના 10 હજાર ડોક્ટરો પણ જોડાશે. 11મી ડિસેમ્બરે ઇમરજન્સી અને કોવિડ ડ્યુટી સિવાય તમામ OPD બંધ રાખવાનું આહવાન કરવામાં આવ્યું છે. 8 ડિસેમ્બર એ તબીબોએ મર્યાદિત સંખ્યામાં અલગ-અલગ ડોકટર્સના જૂથ બનાવી બેનર્સ અને પ્લે કાર્ડ સાથે ડોકટર્સએ વિરોધ કર્યો હતો. 

કેમ કરવામાં આવી રહ્યો છે વિરોધ 

હવે દેશભરના ડોક્ટર્સ સરકારને ઘેરવાના મૂડમાં, આવતીકાલે દેશભરના 3 લાખ ડોકટર્સની હડતાળ. જેમાં ગુજરાતના 28 હજાર ડોક્ટરો પણ હડતાળમાં જોડાશે. 11 ડિસેમ્બરે ઇમરજન્સી-કોવિડ ડ્યૂટી સિવાયની OPD બંધ રહેશે.@PMOIndia@Nitinbhai_Patel @CMOGuj @vijayrupanibjp @narendramodi pic.twitter.com/bPokvw1Ae1

— VTV Gujarati News and Beyond (@VtvGujarati) December 10, 2020

સેન્ટર કાઉન્સિલ ફોર ઇન્ડિયન મેડિસિન દ્વારા એક નોટિફિકેશન બહાર પડ્યું છે જેનો વિરોધ ડોકટર્સ કરી રહ્યા છે. આ નોટિફિકેશન અંતર્ગત અનુસ્નાતક કક્ષાના આર્યુવેદીક ડોકટર્સને 58 પ્રકારની સર્જરી કરવાની મંજૂરી આપવામાં આવી છે. આ સર્જરીમાં ડેન્ટલ, ઓર્થોપેડિક, ઇ એન્ડ ટી તેમજ જનરલ સર્જરીનો પણ સમાવેશ થાય છે. 

સરકારના નિર્ણય મુદ્દે  IMA અને NIMA આમને સામને

નેશનલ ઇન્ટિગ્રેટિડ મેડિકલ અસો.નિર્ણયને આવકાર્યો હતો પરંતુ ઇન્ડિયન મેડિકલ અસોસિએશન દ્વારા સરકારના આ નિર્ણયનો વિરોધ કરવામાં આવ્યો છે. સરકારના નિર્ણય મુદ્દે  IMA અને NIMA આમને સામને આવ્યા છે અને આવતીકાલે 3 લાખ ડોક્ટર્સ સરકારના આ નિર્ણયના વિરોધમાં હડતાળ પર ઉતરવાના છે.