પાટણ જીલ્લાના રાધનપુરમાં ચોરીની ઘટના સામે આવી છે. રાધનપુરના નાનાપુરા ગામમાં રશીકભાઈ પટેલ નામના ખેડૂત પાસેથી રોકડ ત્રણ લાખ દશ હજાર રૂપિયાની બેગ ત્રાટકીને ચોરી કરવાની ઘટના પ્રકાશમાં આવી છે.
મળતી માહિતી મુજબ રશીકભાઈ બેંકમાથી રૂપિયા ઉપાડીને પરત જતા હતા. તે દરમિયાન અજાણ્યા શખ્શો દ્વારા તેમની પાસેથી રૂપિયા ભરેલી બેગ જૂંટવીને નાસી ગયા હતા.
જોકે લૂંટની સમગ્ર ઘટના બેંકની બહાર લગાવેલા સીસીટીવી કેમરામાં કેદ થઈ હતી. ઘટનાની જાણ થતા પોલીસ ઘટના સ્થળે પહોંચીને તપાસ હાથ ધરી હતી.
પ્રાથમીક તપાસમાં વાત જાણવા મળી હતી કે બેંકમાંથી નાણાં ઉપાડવા જતા રશીકભાઈનો પીછો લૂંટારૂ પહેલેથી જ કરી રહ્યા હતા. જ્યારે સીસીટીવીના આધારે પોલીસે આરોપીની શોધ ખોળ હાથ ધરી હતી.