વલસાડનાં કપરાડા તાલુકાનાં હેદલબારી ગામ પાસે અકસ્માતની ઘટનાં બનતા ચકચાર મચી ગઈ છે. પુરઝડપે પસાર થઈ રહલું બાઈક અચાનક વીજળીનાં થાંભલા સાથે ટકરાતા આ ઘટનાં બની હતી. જેમાં 3 લોકોનાં મોત નિપજ્યાં હતાં.
ત્રિપલ સવારી ભારે પડી, બાઈક થાભલા સાથે અથડાતા અકસ્માત
અકસ્માતમાં 3 મંગેતર યુવક યુવતી સહીત 3 લોકોનાં મોત
ત્રણેય કામનાં સ્થળેથી ઘરે ફરી રહ્યાં હતાં.
બાઈક અચાનક વીજળીનાં થાંભલે અથડાયું
વલસાડના કપરાડા તાલુકાનાં હેદલ બારી ગામ પાસે વધુ એક અકસ્માતની ઘટના સામે આવી છે. હેદલબારી ગામ નજીક રોડ પૂરઝડપે પસાર થઈ રહેલું એક બાઈક અચાનક વીજળીનાં થાંભલા સાથે ટકરાયું હતું. ધડાકા સાથે બાઈક ટકરાતા બાઈક પર સવાર એક યુવક અને એક યુવતીનુનાં ઘટનાસ્થળ પર જ કરૂણ મોત નીપજ્યા હતા. બાઈક પાછળ બેઠેલી અન્ય એક યુવતીનું હોસ્પિટલમાં સારવાર દરમિયાન મોત નિપજ્યું હતું.
બાઈક અકસ્માતમાં 3 લોકોનાં મોત
વલસાડ જિલ્લાનાં કપરાડા તાલુકાનાં હેદલબારી ગામ નજીક એક અકસ્માતમાં એક યુવક અને બે યુવતીઓનાં મોત નીપજતાં સમગ્ર પંથકમાં ગમગીનીનો માહોલ છવાઈ ગયો હતો. એક બાઈક અચાનક જ રોડની બાજુમાં આવેલાં વીજળીના થાંભલા સાથે ટકરાયું હતું. બાઈક પર એક યુવક અને 2 યવતી સહિત 3 લોકો સવાર હતાં.
મૃત્યુ પામનાર યુગલની 5 મહિના પહેલા સગાઈ થઈ હતી
બાઈક ચાલક યુવક મલાલા ગામનો અજયભાઈ કાબલી હતો. જ્યારે તેની પાછળ બેઠેલી યુવતી વલસાડ જિલ્લાનાં કપરાડા તાલુકાનાં સિલઘા ગામની રેખાબેન તુબડા હતી. જ્યારે તેમની બાઈક પર રેખાની મહિલા મિત્ર પણ સવાર હતાં. અજય અને રેખાની 5 મહિના પહેલાં સગાઈ થઈ હતી. આ બન્નેનાં થોડાક જ સમયમાં લગ્ન લેવાનાં હતાં. ઉલ્લેખનીય કે આ યુગલનું મોત અકસ્માતમાં ઘટનાં સ્થળે જ થઈ ગયું હતું.
ત્રણેય પરિવાર શોકમાં ગરકાવ
આ ત્રણેય જણા સેલવાસમાં કંપનીએ કામ કરી ઘરે પરત ફરી રહ્યાં હતા. તેઓ ઘરે પહોંચે તે પહેલાં તેમને કાળ ભરખી ગયો હતો. આ અકસ્માતમાં ભાવિ પતિ અને પત્ની અને તેમની મિત્રનાં એકસાથે 3નાં કરૂણ મોત નિપજતા સમગ્ર પંથકમાં ગમગીનીનો માહોલ છવાઇ ગયો હતો. ઘટનાની જાણ થતાં જ ગામલોકો સ્થળ પર પહોંચ્યા હતા અને ઈજાગ્રસ્ત યુવતીને સારવાર માટે સેલવાસની વિનોબા ભાવે સિવિલ હોસ્પિટલમાં ખસેડવામાં આવી હતી . જોકે સારવાર દરમ્યાન તેનું પણ મોત નીપજ્યું હતું.. ઘટનાની જાણ થતા જ પોલીસનો કાફલો ઘટનાસ્થળે પહોંચ્યો હતો અને તપાસ હાથ ધરી હતી..