અકસ્માત / અમદાવાદમાં મોડી રાતે અકસ્માતમાં પિતા-પુત્ર સહિત 3ના મોત થતા પરિવારનું આક્રંદ

• બે બાઈક વચ્ચે થયો અકસ્માત
• 3ના મોત ચાર ગંભીર રીતે ઘાયલ
• અમદાવાદ પીપળજ પર થયો અકસ્માત

અમદાવાદના પીપળજ પાસે બે બાઇક વચ્ચે ટક્કર થતાં ત્રણ લોકોનાં મોત નીપજ્યાં છે. લાંભા નજીક આવેલા ઇન્દિરાનગરમાં રહેતા સુધીરપ્રસાદ અને તેમનો પુત્ર દીપક બાઇક લઇને મોડી રાત્રે પીપળજ રોડ પરથી પસાર થતા હતા ત્યારે સામેથી પ્રમોદ યાદવ અને તેનો મિત્ર મૂલચંદ બાઇક લઇને આવતા હતા. દીપક બાઇક ચલાવતો હતો ત્યારે બીજી તરફ  સામેથી પ્રમોદ બાઇક ચલાવી રહ્યો હતો. બંને જણાની સ્પીડ એટલી વધારે હતી કે તેઓ સામસામે અથડાતાં ચારેય જણા રોડ પર ફંગોળાયા હતા. 

ચાર જણામાંથી એકનું ઘટના સ્થળે જ મોત

ચાર પૈકી એકનું મોત થયું હતું. જ્યારે ત્રણ લોકોને હોસ્પિટલમાં સારવાર માટે લઇ જવામાં આવ્યા હતા. જ્યાં ટૂંકી સારવાર બાદ બે લોકોનાં મોત થયાં હતાં, જ્યારે એક વ્યકિત જીવન અને મોત વચ્ચે ઝોલાં ખાઇ રહી છે. આ ઘટનામાં પિતા સુધીરપ્રસાદ, પુત્ર દીપક અને પ્રમોદનું મોત થયું છે. ટ્રાફિક કે ડિવિઝન પોલીસે આ મામલે ગુનો દાખલ કરીને તપાસ શરૂ કરી છે.