લીંબડી-રાજકોટ હાઈવે ઉપર અકસ્માતમાં બે મહિલા સહિત 3ના ઘટના સ્થળે જ મોત થતા ચકચાર ફેલાઈ ગઈ હતી. આ હાઈવે હોન્ટેડ હાઈવે છે અહીં અવારનવાર આવા ગોઝારા અકસમાત થતા રહે છે.
સુરેન્દ્રનગર કાર અકસ્માતમાં ત્રણ લોકોના મોત
સ્ટેયરિંગ પર કાબૂ ગુમાવતા અકસ્માત
સાંગણી ગામના પાટીયા પાસે અકસ્માત
સુરેન્દ્રનગરના લીંબડી-રાજકોટ હાઈવે પર કારના અકસ્માતની ઘટના સામે આવી છે. કાર અકસ્માતમાં ત્રણ લોકોના ઘટનાસ્થળે મોત નિપજ્યા.
સાંગાણી ગામના પાટિયા પાસે ચાલકે સ્ટેયરિંગ પર કાબૂ ગુમાવતા કારે પલટી મારી હતી. આ ઘટનામાં બે મહિલા સહિત ત્રણ લોકોના ઘટનાસ્થળે મોત નિપજ્યા.
બચાવ કામગીરી હાથ ધરાઈ
આ દરમિયાન અન્ય એક વ્યક્તિને ઈજા થઈ હતી. ઈજાગ્રસ્ત વ્યક્તિને સારવાર અર્થે હોસ્પિટલમાં ખસેડાયો છે.
પોલીસ ઘટનાસ્થળે થઈ હાજર
આ ઘટનાની જાણ થતા પોલીસકર્મીઓ ઘટનાસ્થળે પહોંચ્યા હતા. પોલીસે અકસ્માતનો ગુનો નોંધીને વધુ તપાસ હાથધરી છે.