તહેવારોમાં કોઈ બે જુથ આમને સામને આવી જાય એ નવી નવાઈની વાત નથી પણ વાસણામાં પતંગ ચગાવવા મુદ્દે લોહિયાળ જંગ છેડાઈ ગયો હતો જેમાં છરા અને ચપ્પા ઉડ્યા હતા. આ ઘટનમાં કેટલાક યુવાનોને ઈજા પણ પહોંચી હતી.
અમદાવાદના વાસણામાં પતંગ ચગાવવા મુદ્દે બબાલ
પતંગને લઈને જીવલેણ કર્યો હુમલો
બે શખ્સોએ છરી વડે કર્યો 3 લોકો પર હુમલો
અમદાવાદના વાસણામાં પતંગ ચગાવવા મુદ્દે બબાલ થઈ હતી. પતંગને લઈને જીવલેણ હુમલો કર્યો હતો. બે શખ્સોએ છરી વડે 3 લોકો પર હુમલો કર્યો હતો. ત્રણેય ઈજાગ્રસ્તને હોસ્પિટલમાં ખસેડવામાં આવ્યા છે. વાસણા પોલીસે ફરિયાદ નોંધી તપાસ શરૂ કરી છે.
ગઈ કાલે પણ વાડજમાં થઈ હતી બબાલ
ઉતરાયણના તહેવાર દરમિયાન શહેરમાં છેડતીના કિસ્સા સામે આવતા હોય છે. જુના વાડજ વિસ્તારમાં રહેતી મહિલા તહેવાર હોવાથી તૈયાર થઈને નણંદ સાથે ઉંઘીયું લેવા માટે જતી હતી ત્યારે ચાલીના નાકે પાંચથી છ લોકો ઉભા હતા. જેમાંથી એક શખસે મહિલાને જોઈને કહ્યું હતું કે "આજે તો જોરદાર માલ લાગે છે હોટલમાં લઈ જવા જેવી છે" કહી છેડતી કરી હતી. જેથી મહિલાએ કહી બોલાચાલી કરતા તેના પતિ આવી ગયો હતો. બાદમાં છેડતી કરનાર શખ્સના પરિવાર અને મહિલાના પરીવાર વચ્ચે બોલાચાલી અને મારામારી થઈ હતી. વાડજ પોલીસે બંને પક્ષે સામ-સામે ગુનો નોંધી ધરપકડ કરી હતી.