સુરતમાં ગેસ સિલિન્ડરમાં બ્લાસ્ટ થતા 3 જણા દાઝી ગયા, પરિવારનો ભાર છે. યુવાન ઉપર આખા પરિવારનો ભાર છે. દાઝી ગયેલા યુવકની પત્ની મૃત્યુ પામી છે. અને બે બાળકોનો ભાર તેના ઉપર છે. માતા-પિતા અને બે બાળકનો સહારો મનોજ ગંભીર રીતે દાઝી જતા લોકોમાં કરૂણાના ઘોડાપુર ઉમટ્યા હતા.
સુરતમાં બોટલ બ્લાસ્ટમાં 3 લોકો દાઝ્યા
વેસુ SMC આવાસમાં બોટલ બ્લાસ્ટ
ત્રણેય લોકોને સારવાર માટે હોસ્પિટલ ખસેડાયા
સુરતમાં વેસુ SMC આવાસમાં ગેસ સિલિન્ડ બ્લાસ્ટ થતાં 3 લોકો દાઝી ગયા છે. ત્રણેયની લોકોને હોસ્પિટલમાં સારવાર અર્થે લઇ જવાયા છે. ગેસ સિલિન્ડર પર અચાનક આગ ભભૂકી ઉઠી હતી. આગને ઓલવવા જતાં સિલિન્ડર બ્લાસ્ટ થયો હતો અને પરિવારના ત્રણ લોકો દાઝી જતાં તાબડતોબ હોસ્પિટલ લઇ જવાયા હતા.
મનોજ માથે છે બાળકોની જવાબદારી
પત્નીની ના મૃત્યુ બાદ એક દીકરો અને એક દીકરી ની જવાબદારી મનોજ માથે છે. મનોજ પડોશમાં સળગી રહેલા ગેસ બોટલ ની આગ ને કાબુમાં લેવા ગયો હતો અને ગેસ બોટલમાં બ્લાસ્ટ થયો હતો. મનોજ માતા પિતા અને બે સંતાન સાથે રહે છે.