તમિલનાડુમાં 20 વર્ષીય છોકરી પર ગેંગરેપની ઘટના બની છે. છોકરીના બોયફ્રેન્ડે જ તેના ચાર મિત્રો સાથે મળીને પીડિતાની ઈજ્જત લૂંટી લીધી.
દેશમાં રેપની ઘટનામાં વધારો થવા લાગ્યો
તમિલનાડુમાં 20 વર્ષીય છોકરી પર ગેંગરેપની ઘટના
બોયફ્રેન્ડે ચાર મિત્રો સાથે મળીને પીડિતાની ઈજ્જત લૂંટી
દેશમાં રેપની ઘટનામાં વધારો થવા લાગ્યો છે. શનિવારે એક જ દિવસમાં રેપની ત્રણ ઘટના બની છે. પહેલી ઘટના તમિલનાડુની છે. આરોપ અનુસાર, કાંચીપુરની રહેવાશી 20 વર્ષીય પીડિતાને નોકરી અપાવવાને બહાને આરોપીઓ લઈ ગયા હતા અને પાછળથી અવાવરુ જગ્યાએ લઈ જઈને તેની પર રેપ કર્યો હતો.
પીડિતા મોબાઈલની દુકાન પર કામ કરે છે અને થોડા દિવસો પહેલા તેની ગુનાસીલન નામના છોકરા સાથે મિત્રતા થઈ હતી. બન્ને સોશિયલ મીડિયા પર પણ વાતો કરતા હતા. આરોપીએ પીડિતાને ભરોસો આપ્યો હતો કે તે તેને પ્રાઈવેટ કંપનીમાં નોકરીએ લગાડી દેશે.
કાંચીપુરમના ફાર્મહાઉસમાં ચાર આરોપીઓએ ગેંગરેપ કર્યો
પ્રાપ્ત થતી જાણકારી અનુસાર ગુનાસીલન 8 સપ્ટેમ્બરે પીડિતાને કારમાં બેસાડીને કાંચીપુરમના ફાર્મહાઉસમાં લઈ ગયો હતો અને રસ્તામાં જ સોફ્ટ ડ્રીંકમાં નશીલો પદાર્થ મેળવીને તેને પીવડાવી દીધું હતું. નશીલી સોફ્ટ ડ્રિંક પી લેતા પીડિતા બેહોશ થઈ ગઈ હતી. આરોપીએ તેના બીજા ચાર મિત્રોને બોલાવી લીધા અને બધાએ વારાફરતી પીડિતા પર ગેંગરેપ કર્યો.
મહારાષ્ટ્રમાં દુષ્કર્મ બાદ ગર્ભવતી પીડિતાની આત્મહત્યા
મહારાષ્ટ્રના અમરાવતી જિલ્લામાં એક સગીરા સાથે રેપની ઘટના બની છે. દુષ્કર્મ બાદ સગીરાએ આત્મહત્યા કરી લીધી. આરોપ અનુસાર 15 વર્ષીય છોકરી સાથે વારંવાર દુષ્કર્મ આચરવામાં આવ્યું. પીડિતા ગર્ભવતી પણ થઈ હતી.
પુણેમાં પણ છોકરી પર રેપની ઘટના
મહારાષ્ટ્રમાં રેપની બીજી ઘટના બની છે. અમરાવતી બાદ પુણેમાં પણ રેપની ઘટના સામે આવી છે. પોલીસે આરોપીઓની ધરપકડ કરી છે.
દેશમાં વધુ એક નિર્ભયાકાંડ જેવી ઘટના સામે આવી
મુંબઈમાં 'નિર્ભયા' જેવી હૃદયદ્રાવક ઘટના સામે આવી છે, જ્યાં એક મહિલા પર બળાત્કાર થયો હતો. બળાત્કાર બાદ આરોપીએ મહિલાના પ્રાઈવેટ પાર્ટમાં સળિયો નાખ્યો હતો. આ ઘટનાની માહિતી મળતા જ પોલીસે કાર્યવાહી હાથ ધરી હતી. આ શરમજનક ઘટના મુંબઈના સાકી નાકા વિસ્તારની છે. જ્યાં ખૈરાણી રોડ પર 30 વર્ષીય મહિલા પર પહેલા બળાત્કાર કરવામાં આવ્યો હતો. અને બળાત્કાર બાદ આરોપીએ તેના પ્રાઈવેટ પાર્ટમાં સળિયો નાખ્યો હતો. મહિલાને અત્યંત ગંભીર હાલતમાં હોસ્પિટલમાં દાખલ કરવામાં આવી છે.આ કેસમાં માહિતી મળ્યા બાદ પોલીસે દરોડો પાડી એક આરોપીની ધરપકડ કરી હતી.