અકસ્માત / કેનેડા અભ્યાસ કરવા ગયેલા 3 ગુજરાતી વિદ્યાર્થીઓનાં મોત, એકની હાલત ગંભીર 

મળતી માહિતી મુજબ, ગુજરાતથી કેનેડામાં ભણવા ગયેલા ત્રણ ગુજરાતી વિદ્યાર્થીઓ ન્યૂ બ્રુન્સવિક શહેરમાં રહેતાં હતાં જ્યાં અકસ્માતમાં થતાં ત્રણના ઘટનાસ્થળે જ મોત નિપજ્યા છે. જેમાં એક જંબુસર, એક ભરૂચ અને એક વિદ્યાર્થી અંકલેશ્વરનો હાવોનું સામે આવ્યુ છે.

ગુજરાતના પાંચ વિદ્યાર્થીઓ ઉચ્ચ અભ્યાસ કરવા માટે કેનેડાના ન્યૂ બ્રુન્સવિક શહેરમાં રહેતા હતા. પાંચેય વિદ્યાર્થીઓ એક જ રૂમમાં રહેતાં હતા અને રવિવારે વીકએન્ડ હોવાથી જોડે રહેતાં પાંચ મિત્રોમાંથી ચાર મિત્રો કારમાં ફરવા માટે બહાર ગયા હતા. પરત ફરતી વખતે તેમની કારનો અકસ્માત થયો. અકસ્માતમાં ત્રણ વિદ્યાર્થીઓનાં ઘટનાસ્થળે જ મોત નિપજ્યા હતા. જ્યારે અન્ય એક યુવાનની હાલત ગંભીર હોવાનું સામે આવી રહ્યું છે.