મુઝફ્ફરનગર જિલ્લામાં 20 વર્ષના 3 ફૂટ લાંબા દિવ્યાંગ યુવકે સીએમ યોગી પાસે મદદ માંગી છે. તેણે પોલીસ સ્ટેશન પહોંચીને મુખ્યમંત્રીના નામ પર એક પત્ર આપ્યો છે. જેમાં તેણે પેન્શન માટે અને લગ્ન માટે મદદ માંગી છે. તેનું કહેવું છે કે નાની ઉંચાઈ હોવાના કારણે તેને કોઈ યુવતી નથી મળી રહી.
યુવકે સીએમ પાસે કરી અનોખી માંગ
પત્ર લખી કરી લગ્ન કરાવી આપવાની માંગ
હાઈટ નાની હોવાથી નથી મળી રહી યુવતી
ઉત્તર પ્રદેશના મુધફ્ફરનગર જનપદમાં 20 વર્ષના એક 3 ફૂટના દિવ્યાંગ યુવકે પોલીસ સ્ટેશન પહોંચીને મુખ્યમંત્રીના નામ પર એક મેમોરેન્ડમ આપતા પોતાની સમસ્યા દૂર કરવાની માંગ કરી છે. સાથે જ તેણે મુખ્યમંત્રી યોગી આદિત્યનાથ સાથે લગ્ન કરાવી આપવાની પણ માંગ કરી છે.
શું છે યુવકની માંગ?
હકીકતે જનપદના ખતૌલી કોતવાલી વિસ્તારના ઢાકન ચોકમાં રહેતા દાનિશ દિવ્યાંગ છે. કોતવાલી પહોંચીને તેણે મુખ્યમંત્રી યોગી આદિત્યનાથના નામે પોલીસ સ્ટેશનમાં એક પત્ર આપ્યો છે. તેમાં પેન્શન આપવાની માંગ સાથે જ લગ્ન કરાવી આપવાની માંગ પણ કરવામાં આવી છે. યુવકની હાઈટ નાની હોવાના કારણે તેને લગ્ન માટે યુવતી નથી મળી રહી.
ચૂંટણી પણ લડવા માંગે છે દાનિશ
દાનિશની કપડાની દુકાન છે. ચાર ભાઈ બહેનોમાં તે સૌથી નાનો છે. દાનિશની માનીએ તો તે આ વખતે પોતાના વોર્ડ નંબર-9માંથી ચૂંટણી પણ લડવા માંગે છે. તેની માંગ છે કે તેને પૈસાની જરૂર છે કારણ કે ઘરમાં ખૂબ મુશ્કેલી છે. જોકે આ મામલે પોલીસ અધિકારીઓએ કંઈ જણાવ્યું નથી.
દાનિશની આવી છે માંગ
દાનિશનું કહેવું છે , "મારી ઉંમર 20 વર્ષ અને લંબાઈ 3 ફૂટ છે. મારૂ પેન્શન શરૂ કરવામાં આવે અને લગ્ન કરાવી આપવામાં આવે. આ વખતે વોર્ડ સભાસદની ચૂંટણી લડવા માંગુ છું. મને પૈસાની ખૂબ જ જરૂર છે. મે પોલીસને કહ્યું કે મારા લગ્ન કરાવી દો તે તેના પર પોલીસે કહ્યું કે લગ્ન થઈ જશે."