હાલોલ / દાવડા નજીક અકસ્માતમાં 5 યુવકો સવાર કારનો કુચરો બોલી ગયો, 3ના મોત

• હાલોલના દાવડા ગામે ગંભીર અકસ્માત
• કાર અકસ્માતમાં 3 યુવકોના મોત, 2 ગંભીર
• કારમાં સવાર હતા 5 યુવકો

દાવડા ગામ પાસેથી પાંચ લોકો સવાર કાર પસાર થઇ રહી હતી આ દરમિયાન અકસ્માત સર્જાયો છે. જેમાં ત્રણ લોકોએ પોતાનો જીવ ગુમાવ્યો છે. જ્યારે બે ઇજાગ્રસ્ત યુવકોને સારવાર માટે હોસ્પિટલ ખસેડાયા છે. અકસ્માતના કારણ અંગે પોલીસ દ્વારા તપાસ હાથ ધરવામાં આવી છે. હાલોલ પોલીસે વધુ તપાસ હાથ ધરી છે.

આ અકસ્માત સર્જાતા રોડ પર ટ્રાફિક જામના દ્રશ્યો સર્જાયા હતા. આ ઘટનાની જાણ થતા પોલીસે ઘટનાસ્થળે પહોંચીને તપાસ હાથ ધરી છે. આ યુવકોની ઓળખ કરવામાં આવી રહી છે. 

આણંદના ઉમરેઠ ઓડ માર્ગ પર સર્જાયો અકસ્માત, ચાર લોકો ઇજાગ્રસ્ત

આણંદના ઉમરેઠ ઓડ માર્ગ પર બે ટ્રક અને એક કાર વચ્ચે અકસ્માત સર્જાયો હતો. ઇકો કાર અને ટ્રક વચ્ચેના અકસ્માતમાં કાર અને બન્ને ટ્રકે પલટી માગી હતી. જેને કારણે કારમાં સવાર ચાર લોકોને ઇજા પહોંચી હતી. અકસ્માત દરમિયાન કારને બચાવવા જતા બન્ને ટ્રકોએ પલટી મારી હોવાનું પ્રાથમિક અનુમાન લગાવવામાં આવી રહ્યું છે. ટ્રકે પલટી મારતા ટ્રકોમાં ભરેલો સામાન રસ્તા પર ઢોળાયો હતો.