દુઃખદ / મંગળવારના અમંગળ સમાચાર : મહેસાણામાં નોકરી જઈ રહેલા 3 શિક્ષકોના રોડ અકસ્માતમાં મોત

• મહેસાણામાં ગમખ્વાર અકસ્માતમાં 3 શિક્ષકોના મૃત્યુ
• પાંચોટ તળાવમાં કાર ખાબકતા 3 શિક્ષકો મૃત્યુને ભેટ્યા
• શિક્ષકો મહેસાણાથી નોકરીએ જઈ રહ્યા હતા

મહેસાણામાં ગમખ્વાર અકસ્માતમાં 3 શિક્ષકોના મૃત્યુ  થયુ છે. પાંચોટ તળાવમાં કાર ખાબકતા મહેસાણાથી નોકરીએ જઈ રહેલા 3 શિક્ષકો મૃત્યુને ભેટ્યા છે. કાર ચલાવતી વખતે શ્વાન વચ્ચે આવતા કાર ચાલકે કાબુ ગુમાવ્યો હતો અને કાળ તેમને ભરખી ગયો હતો. આ અકસ્માતમાં 1 મહિલા અને 2 પુરૂષના મૃત્યુ પામ્યા છે.  આ શિક્ષકો રાધનપુર નજીક મોરવાડ જતા હતા.

મહેસાણા અકસ્માતમાં મૃતકના નામ

1. મિતાબેન પટેલ - મહેસાણા
2. વિપુલ ચૌધરી -બાસણા
3. આનંદ શ્રીમાળી - વિસનગર

ભરૂચ-જંબુસર રોડ પર અકસ્માત

ભરૂચ-જંબુસર રોડ પર ગોઝારો અકસ્માત સર્જાયો છે. ઈકો કાર અને કન્ટેનર અથડાયા હતા. અકસ્માતમાં 7 વર્ષીય બાળકનું મૃત્યુ થયું છે. જેમાં 3 ઘાયલ છે. તાલુકા પોલીસે વધુ તપાસ હાથ ધરી છે.