અકસ્માત / નડીયાદ એક્સપ્રેસ હાઈવે પર હિટ એન્ડ રનમાં 3ના મોત, વાહન ચાલક મોતની ટક્કર મારી ફરાર, મૃતકો સણસોલી ગામના

• નડીયાદ એક્સપ્રેસ હાઈવે પર અકસ્માત
• બાઈકને અજાણ્યો વાહન ચાલક ટક્કર મારી ફરાર
• બાઈક પર સવાર 3ના મોત

ગુજરાતમાં હિટ એન્ડ રનના બનાવો સામાન્ય બની ગયા છે. બેફામ વાહન ચલાવતા ચાલકોને જાણે કોઈના જીવની પરવાહ ન હોય તેમ અકસ્માત સર્જી રસ્તા પર ચાલતા અને બાઈક સવાર  લોકોને અડફેટે લઈ રહ્યા છે. નડીયાદ એક્સપ્રેસ હાઇવે પર હિટ એન્ડ રનની ગોઝારી ઘટના સામે આવી છે.બાઇકને અજાણ્યા વાહનચાલકે મોતની ટક્કર મારી છે. આ ભયાવહ અટફેટમાં બાઇક પર સવાર 3 લોકોના ઘટનાસ્થળે મૃત્યુ થયા છે.

અજાણ્યો વાહન ચાલકે બાઈક સવાર 3 યુવકોને અડફેટે લીધા
ત્રણેય મૃતક મહેમદાવાદના સણસોલીના રહેવાસી છે. પોલીસને જાણ કરવામાં આવતા નડીયાદ પોલીસ ઘટનાસ્થળે પહોંચી હતી. રોડની વચ્ચે લોહી લુહાણ હાલતમાં ત્રણેય મૃતકો પડ્યા હતા. 
પોલીસ હાલ વાહન ચાલકની તપાસ કરી રહી છે. હાલ તો મૃતકોને પીએમ અર્થે લઈ જવામાં આવ્યા છે.અકસ્માતની જાણ થતાં જ હાઈવે પર રાહદારીઓ અને આસપાસના વિસ્તારના લોકોના ટોળે ટોળા ઉમટી પડ્યા હતા તેમજ ટ્રાફિક જામના દ્રશ્યો પણ સર્જાયા હતા.

પરિવારમાં શોકનો માહોલ
એક હૃદય સ્પર્શી વાક્ય મુજબ કે ખુદા મત ઉજાડ કિસીકે આશિયાને કો , બહુત વક્ત લગતા ઉસકો બનાને મેં, વાહન ચલાવતા સાવધાની રાખવાની જરૂર છે.ત્રણેય મૃતકોના અચાનક અકસ્માતમાં મોત થવાથી પરિવાર પર આભ ફાટી પડ્યું છે. વાહન લઈને નીકળો ત્યારે સ્પીડ પર કાબૂ રાખી ટ્રાફિકના નિયમનું પાલન કરવું જરૂરી છે. 

ગુજરાતમાં રવિવારે બનેલા અકસ્માતના બનાવો
દીવની ઘોઘલા ચેક પોસ્ટ પર અકસ્માતની ઘટના બની છે. સુરેન્દ્રનગરના પ્રવાસીઓએ પોલીસ બેરીકેટ ઉડાવતા 3 પ્રવાસીને ઈજા પહોંચી હતી. જે બાદ તેઓને હોસ્પિટલ ખસેડવામાં આવ્યા હતા.કાર ચાલક નશાની હાલતમા હોવાનું સામે આવ્યું છે.

બનાસકાંઠાધાનેરા- થરાદ હાઇવે પર અકસ્માત

• લગ્નમાંથી પરત ફરતા ખેડા ગામ પાસે જીપ પલટી
• લગ્નમાંથી પરત ફરતા સમયે પરિવારને નડ્યો અકસ્માત
• દુર્ઘટનામાં 15 વર્ષીય કિશોરનું મૃત્યુ, 5 ઘાયલ
• ઇજાગ્રસ્તોને ધાનેરા રેફરલ હોસ્પિટલ ખસેડાયા

મોરબીના હળવદ પાસે ટ્રાવેલ્સ અને ટ્રેલર વચ્ચે અકસ્માત 

• અકસ્માતમા 10 જેટલા લોકો ઈજાગ્રસ્ત
• તમામ ઇજાગ્રસ્તોને સારવાર માટે ખસેડાયા
• કવાડીયા ગામના પાટીયા પાસે થયો અકસ્માત

પાલનપુરના સોનગઢ પાટીયા પાસે અકસ્માત

• આબુરોડથી પાલનપુર તરફ જતી કારે મારી પલટી
• અકસ્માતમાં બે લોકો ઘાયલ, એકની હાલત ગંભીર
• ઘાયલને સારવાર અર્થે પાલનપુર સિવિલ ખસેડાયા

અમદાવાદ-ખેડા હાઈવે ઉપર અકસ્માત

• કાર ડિવાઈડર સાથે અથડાતા બે યુવાનના મૃત્યુ
• ત્રણ યુવાન ઘાયલ થયા
• ઘાયલોને સારવાર અર્થે ખસેડાયા
• કારચાલકે સ્ટિયરિંગ પરથી કાબૂ ગુમાવ્યો હતો