ગાંધીનગરના રાયપુરમાં કેનાલમાં ડૂબી જતા 3ના મોત થયા છે. બે સગા ભાઈ અને તેમના મિત્રનું ડૂબી જતા મોત થયું છે. માતા સાથે કપડા ધોવા ગયા હતા તે સમયે ઘટના બની હતી.
કપડા ધોતી વખતે પગ લપસતા કેનાલમાં સગાભાઈઓ કેનાલમાં ડૂબ્યા હતા. જેમાં એક કિશોર કેનાલમાં ડૂબતા તેને બચાવવા અન્ય બે કિશોર કેનાલમાં પડ્યા હતા. માતા પણ કિશોરને બચાવા કેનાલમાં પડતા રાહદારીએ બચાવી લીધી હતી.
મહત્વનું છે કે સમગ્ર ઘટનાને લઇને પોલીસ ઘટના સ્થળે પહોંચી હતી. એક કિશોરને બચાવવા અન્ય બે કિશોર પણ કેનાલમાં પડ્યા હતા. ત્યારબાદ માતા પણ બાળકોને બચાવવા કેનાલમાં પડી હતી. જોકે તેને રાહદારીએ બચાવી લીધી હતી.
એક નાની ભૂલના કારણે અનેક સમસ્યાઓ અને દુર્ઘટનાઓનો સામનો કરવો પડી શકે છે. ત્યારે રોજ બરોજ કેનાલમાં પડતા, લપસતા અને નાહવા પડેલા યુવકોના ડુબ્યાના સમાચારો આવે છે ત્યારે વીટીવી અપીલ કરે છે કે આ પ્રકારની લાપરવાહી ન કરો કે ખરાબ પરિણામ ભોગવવાનો સમય આવે.