અકસ્માત / હોન્ટેડ હાઈવે: લિંબડી બગોદરા હાઈવે પર વધુ એક ગોઝારો અકસ્માત, 3ના મોત

• સુરેન્દ્રનગર લીંબડી-બગોદરા હાઇવે પર વધુ અકસમાત
• ડમ્પર અને કાર વચ્ચે અકસ્માતમાં મહિલા સહિત 3 લોકોના મોત
• મીઠાપુર ગામના પાટિયા પાસેનો બનાવ

સુરેન્દ્રનગરના લિંબડી બગોદરા હાઈવે પર અકસ્માતની ઘટના સામે આવી.  ડમ્પર અને કાર વચ્ચે અકસ્મતા થતા એક મહિલા સહિત ત્રણ લોકોના મોત થયા હતા. મીઠાપુર ગામના પાટિયા પાસે અકસ્માત થતા લોકોના ટોળા ઉમટ્યા હતા.  આ અકસ્માતની જાણ થતા પોલીસકર્મીઓ ઘટનાસ્થળે દોડી આવ્યા હતા. પોલીસે અકસ્માતનો ગુનો નોંધીને વધુ તપાસ હાથધરી છે.

અમદાવાદ- લિંબડી હાઈવે પર અકસ્માતમાં 5ના મોત

ગઈકાલ મોડી રાતે અમદાવાદ-લિંબડી હાઇવે પર દેવપરા ગામના પાટિયા નજીક કાર-ટ્રક વચ્ચે ગમખ્વાર અકસ્માત થયો. સોમનાથ દર્શને જઈ રહેલો અમદાવાદનો પરિવાર કાળનો કોળિયો બની ગયો. કાર ટ્રક સાથે ધડાકાભેર અથડાતા અકસ્માતમાં કારનો કચ્ચરઘાણ નીકળી ગયો હતો.કારમાં સવાર અમદાવાદના પરિવારના પાંચ સભ્યો તો ઘટના સ્થળે જ મૃત્યુ પામ્યા હતા. અકસ્માતમાં એક પરિવાર દક્ષિણ ભારતનો હોવાનું પણ જાણવા મળ્યુ હતુ.