સાઉથના સુપરસ્ટાર કમલ હાસનની ફિલ્મ 'ઇન્ડિયન 2'ના સેટ પર મોટી દુર્ઘટનાને કારણે અસિસ્ટન્ટ ડિરેક્ટર સહિત 3 લોકોના મોત થઈ ગયા છે. મળતી માહિતી પ્રમાણે ચેન્નઈના ઈવીપી સ્ટૂડિયોમાં ફિલ્મ 'ઈન્ડિયન 2'નું શૂટિંગ દરમિયાન ક્રેન પડવાથી આ દુર્ઘટના ઘટી છે. જેમાં 9 લોકો ઈજાગ્રસ્ત થયા છે.
કમલ હાસનની ફિલ્મ 'ઇન્ડિયન 2'ની ચાલી રહી છે શૂટિંગ
સેટ પર ક્રેન નીચે પડવાથી ઘટી દુર્ઘટના
ઘટનાસ્થળે જ 3 લોકોના થઈ ગયા મોત
Tamil Nadu: 3 dead and around 10 injured after a crane collapsed on the set of movie Indian 2, during the shooting of the film near Chennai, last night. Injured persons were shifted to a hospital. Visuals from EVP Film City in Poonamallee, where the incident took place. pic.twitter.com/C2l3YsLk8E
આ દુર્ઘટના બુધવારે રાતે 9.30 વાગ્યે ઘટી હતી. જ્યારે ઈન્ડિયન 2 ફિલ્મના શૂટિંગ દરમિયાન ફિલ્મનું યૂનિટ સેટની તૈયારીઓમાં લાગેલી હતી, ત્યારે જ અચાનક ક્રેન નીચે પડી જાય છે. ક્રેનના ઉપરના કેબિનમાં એક શખ્સ હતો અને કેટલાક લોકો ક્રેનની આસપાસ પણ કામ કરી રહ્યાં હતા, તેઓ પણ આ દુર્ઘટનામાં ઘાયલ થયા હતા. પોલીસ અધિકારીએ જણાવ્યું કે આ લોકો સેટની લાઈટિંગનું કામ કરી રહ્યાં હતા.
તમને જણાવી દઈએ કે, કમલ હાસનની આ ફિલ્મ એસ શંકર ડિરેક્ટ કરી રહ્યાં છે. થોડાં સમય પહેલાં જ આ ફિલ્મનું પોસ્ટર રિલીઝ કરવામાં આવ્યું હતું. આ ફિલ્મના પોસ્ટમાં કમલ એક વૃદ્ધ વ્યક્તિના રોલમાં જોવા મળ્યા હતા. આ ફિલ્મ 1996માં કમલ હાસનની ફિલ્મ ઈન્ડિયનનું સિક્વલ છે. પોલિસ સૂત્રોથી મળતી માહિતી પ્રમાણે જે સમયે આ દુર્ઘટના ઘટી ત્યારે કમલ હાસન કોમ્પલેક્સના બીજા લોકેશન પર શૂટિંગ કરી રહ્યાં હતા.
#Indian2 mishap: 3 dead & 9 injured in the crane accident. The injured have been taken to a nearby hospital. Director Shankar is unhurt. pic.twitter.com/62Ux5Bav53
આ દુર્ઘટના પર દુખ વ્યક્ત કરતાં કમલે કહ્યું કે, આ ઘટના દર્દનાક છે. અમે અમારા 3 સહયોગીઓને ગુમાવી દીધા. મને મારા દર્દથી વધારે તેમના પરિવારની ચિંતા છે. જેમના પરિવારના સદસ્ય આ દુર્ઘટનામાં મૃત્યુ પામ્યા. તેમના પરિવાર માટે મારી સંવેદનાઓ છે.