હુમલો / મણિપુરમાં ઉગ્રવાદીઓનો સેના પર હુમલો, 3 જવાન શહીદ, 6ની હાલત ગંભીર

• ચંદેલ જિલ્લામાં  ઉગ્રવાદીઓએ કર્યો હુમલો
• ત્રણ જવાન શહીદ, 6ની હાલત ગંભીર

ભારત-મ્યાંમાર સરહદ પર ઉગ્રવાદી જૂથ સામે ઓપરેશન દરમિયાન 4 અસમ રાયફલ્સના ત્રણ જવાન શહીદ થયા છે. જવાનો પર ઉગ્રવાદીઓએ અચાનક હુમલો કર્યો હતો. આ હુમલામાં 6 જવાન ઘાયલ થયા છે. ઇજાગ્રસ્ત જવાનોને ઇમ્ફાલ પશ્ચિમ જિલ્લાની સેનાની હોસ્પિટલમાં સારવાર માટે દાખલ કરવામાં આવ્યાં છે. 

સૂત્રોના જણાવ્યાં અનુસાર મણિપુરના સ્થાનિક ઉગ્રવાદી સમૂહ પીપૂલ્સ લિબરેશન આર્મીએ આ હુમલો કર્યો છે. સેના તરફથી હાલમાં ઉગ્રવાદીઓને લઇને સર્ચ ઓપરેશન ચલાવામાં આવી રહ્યું છે. આ સાથે જ ભારત-મ્યાંમાર સરહદ પર ચોકસાઇ વધારી દેવામાં આવે છે. 

ગત વર્ષે નવેમ્બરમાં ચંદેલ જિલ્લામાં જ આસામ રાઇફલ્સના કેમ્પ પર ઉગ્રવાદીઓએ હુમલો કર્યો હતો. ઉગ્રવાદીઓના સૈન્ય કેમ્પમાં બોમ્બ ફેંક્યો હતો. ત્યારબાદ બંને તરફથી ફાયરિંગ કરવામાં આવી હતી.