મહેસાણામાં IELTS બેન્ડમાં કૌભાંડ મામલે પોલીસે કાર્યવાહી કરી છે. 8 બેન્ડ મેળવી 4 યુવકોને અમેરિકા મોકલવાનું કૌભાંડ કેસમાં ત્રણ શખ્સની ધરપકડ કરી લેવામાં આવી છે. સની પટેલ,ગોકુલ મેનન,સાવન ફર્નાન્ડિઝને મહેસાણા SOG પોલીસે ઝડપી લીધા છે.
અંગ્રેજી ન આવડતું હોય તો પરીક્ષામાં ડમી વિધાર્થીઓ બેસાડવામાં આવતા: મહેસાણા જિલ્લા પોલીસ વડા
IELTS બોગસ બેન્ડ સર્ટિફિકેટ મામલે મહેસાણા જિલ્લા પોલીસ વડા દ્વારા પ્રેસ કરી જણાવવામાં આવ્યું કે પ્લેનેટ ઇડિયું દ્વારા ગુજરાતમાં IELTS પરીક્ષા લેવામાં આવતી હતી. આ સંસ્થા દ્વારા એક્ઝામ સ્થળ નક્કી કરવામાં આવતું હતું. પરીક્ષામાં ડમી વિધાર્થીઓ બેસાડવામા આવતા. અંગ્રેજી ન આવડતું હોય તેવા વિધાર્થીઓ માટે ડમી વિધાર્થી બેસાડતા. મુખ્ય સૂત્રધાર અમિત ચૌધરી પ્લાન કરતો હતો.આ કૌભાંડમાં મુખ્ય સૂત્રધાર પ્લેનેટ ઇ ડી યુ છે. જે લોકો વિદેશ છે તેમને પરત લાવવા કાર્યવાહી થશે. પ્લેનેટ ઇડિયું સાબરમતી અમદાવાદ ખાતે ચાલતી હતી . આ મામલે કુલ 45 સામે ફરિયાદ દાખલ કરવામાં આવી છે જેમાંથી 17 લોકો બોગસ સર્ટીથી વિદેશ ગયા હોવાનું બહાર આવ્યું છે
'IELTS માં 6 થી 8 બેન્ડ મેળવવા મોટી રકમ લેવામાં આવી'
મહત્વનું છે કે છેલ્લા ચાર માસથી તપાસ ચાલતી હતી. વિદ્યાર્થીઓ સ્નાતક ન હોવા છતાં અનુસ્નાતક બતાવ્યા હતા. નવસારીની ફન સીટી અને સુપ્રીમ હોટલમાં કૌભાંડનો તખ્તો ઘડાયો હતો. અમિત ચૌધરી નામના શખ્સને IELTS પરીક્ષા નું મટીરીયલ આપ્યું હતું। ઉત્તરવહીઓ અને આન્સર-કીની ઓડિયો આપી હતી. IELTS પરીક્ષા માં નબળા વિદ્યાર્થીઓના સ્થાને ડમી બેસાડ્યા જેમાં IELTS માં 6 થી 8 બેન્ડ મેળવવા મોટી રકમ લેવામાં આવી. મહેસાણા SOG પી.આઈ.એ IELTS બેન્ડ કૌભાંડમાં કુલ 45 આરોપીઓ સામે ફરીયાદ નોંધી છે.19 શ્યામવેદ હેરીટેઝ સોસાયટીમાં કૌભાંડ ચાલતુ હોવાનું ખૂલ્યું છે.