ભારતે શ્રીલંકાને ઈન્દોરના હોલકર સ્ટેડિયમમાં રમાયેલ બીજી ટી-20 ઇન્ટરનેશનલ મેચમાં 7 વિકેટથી હરાવીને ત્રણ મેચોની આ ટી-20 સીરિઝમાં 1-0થી લીડ મેળવી લીધી છે. ભારતે ટોસ જીતીને પ્રથમ બોલિંગ કરવાનો નિર્ણય કર્યો હતો. બેટિંગ કરવા ઉતરેલી શ્રીલંકાની ટીમે 20 ઓવરમાં 9 વિકેટ ગુમાવીને 142 રન બનાવ્યા હતા. જેના જવાબમાં ભારતે 15 બોલ બાકી રાખીને મેચ જીતી લીધી.
ઈન્દોર ટી-20માં ભારત 7 વિકેટથી જીત્યું
ભારતે ત્રણ મેચોની સીરીઝમાં 1-0થી લીડ મેળવી
આ 5 ભારતીય ખેલાડીનો રહ્યો દબદબો
કેએલ રાહુલ
કેએલ રાહુલ અને શિખર ધવનની ઓપનર જોડીએ ટીમ ઈન્ડિયાને શાનદાર શરૂઆત આપી હતી. ઓપનર કેએલ રાહુલ અડધી સદી ચૂકી ગયો હતો. તેણે 32 બોલમાં છ ચોગ્ગાની મદદથી 45 રનની શાનદાર ઇનિંગ્સ રમી હતી. રાહુલ અને ધવને પ્રથમ વિકેટ માટે 71 રનની ભાગીદારી કરી હતી.
શ્રેયસ અય્યર
કેએલ રાહુલના આઉટ થયા બાદ બેટિંગ કરવા આવેલા શ્રેયસ અય્યરે 26 બોલમાં ત્રણ ચોગ્ગા અને એક છગ્ગાની મદદથી 34 રન બનાવ્યા હતા. કેપ્ટન વિરાટ સાથે મળીને તેણે ત્રીજી વિકેટ માટે 51 રનની અડધી સદીની ભાગીદારી નોંધાવી હતી.
વિરાટ કોહલી
ભારતીય કેપ્ટન વિરાટ કોહલીએ 17 બોલમાં બે છગ્ગા અને એક ચોગ્ગાની મદદથી અણનમ 30 રન બનાવ્યા હતા.
નવદીપ સૈની
યુવા ઝડપી બોલર નવદીપ સૈનીએ શાનદાર બોલિંગ કરતાં ચાર ઓવરમાં 18 રન આપીને બે વિકેટ ઝડપી હતી. આ માટે તેને મેન ઓફ ધ મેચનો એવોર્ડ મળ્યો હતો.
શાર્દુલ ઠાકુર
મેચમાં ભારતીય ઝડપી બોલરનો દબદબો હતો. શાર્દુલ ઠાકુરે ચાર ઓવરમાં 23 રન આપીને ત્રણ વિકેટ ઝડપી હતી.