કેન્દ્ર શાસિત પ્રદેશ જમ્મૂ-કાશ્મીરમાં અંદાજે 5 મહીના બાદ જમ્મૂના 5 જિલ્લામાં 2જી મોબાઇલ ઇન્ટરનેટ સેવા શરૂ કરવામાં આવી છે. આ સુવિધા માત્ર પોસ્ટપેડ મોબાઇલ પર જ ઉપલબ્ધ રહશે. આ સાથે જ હોટલ, હોસ્પિટલ તથા ટ્રાવેલ સાથે જોડાયેલી પ્રતિષ્ઠિત જગ્યાઓમાં બ્રોડબેંડ સેવા શરૂ કરવામાં આવી છે.
જમ્મૂના 5 જિલ્લામાં 2જી ઈન્ટરનેટ સેવા શરૂ કરવામાં આવી
જમ્મૂ, સાંબા, કઠુઆ, ઉધમપુર અને રિયાસીમાં ઈન્ટરનેટ શરૂ
2જી ઈન્ટરનેટ સેવા 7 દિવસ માટે શરૂ કરવામાં આવી
જમ્મૂ-કાશ્મીરના લોકો માટે સારા સમાચાર છે. આજથી જમ્મૂ-કાશ્મીરના 5 જિલ્લામાં 2જી ઈન્ટરનેટ સેવા શરૂ કરવામાં આવી છે. જમ્મૂ, સાંબા, કઠુઆ, ઉધમપુર અને રિયાસી જિલ્લામાં પોસ્ટપેડમાં 2જી મોબાઈલ ઈન્ટરનેટ સેવા શરૂ કરવામાં આવી છે. આ ઈન્ટરનેટ સેવા 7 દિવસ માટે શરૂ કરવામાં આવી છે.
તમને જણાવી દઈએ કે જમ્મૂ-કાશ્મીરમાં 4 ઓગસ્ટે રાત્રે મોબાઈલ ઈન્ટરનેટ સેવા બંદ કરવામાં આવી હતી. જે બાદ 12 દિવસ બાદ જમ્મૂ સિવાય કઠુઆ, સાંબા, ઉધમપુર અને રિયાસી જિલ્લામાં 2જી મોબાઈલ ઈન્ટરનેટ સેવા શરૂ કરવામાં આવી હતી.
જોકે 24 કલાકમાં જ ફરીથી ઈન્ટરનેટ સેવા બંધ કરી દેવામાં આવી હતી. જે બાદ સુપ્રીમ કોર્ટે તાજેતરમાં કેન્દ્ર સરકારને નિર્દેશ કર્યો હતો. અને એક સપ્તાહમાં નિર્ણય લેવા માટે આદેશ કર્યો હતો. અને હવે સરકારે 5 જિલ્લામાં 2જી મોબાઈલ ઈન્ટરનેટ સેવા શરૂ કરી દેવામાં આવી છે.